ადრიატიკა: შუშიაშვილმა სამი, მესხმა ერთი გაიტანა

საქართველოს წყალბურთელ ვაჟთა ნაკრების წევრები წარმატებით განაგრძობენ ასპარეზობას ევროპულ კლუბებში. ისინი ხშირად თანაგუნდელებისგან გამოირჩევიან კარგი თამაშით, თუმცა მათი კლუბები ყოველთვის როდი აღწევენ წარმატებას.

ასე იყო გერმანიის ბუნდესლიგაში. ალექსანდრე ყაზახიშვილის "ნოიკიოლნიმ" (ბერლინი) მეცხრე ტურში სტუმრად ლიდერთან - "შპანდაუ 04-თან" დიდი სხვაობით წააგო - 4:16. დამარცხებულთაგან ერთი გოლი ქართველმა წყალბურთელმა გაიტანა.

პირველობას 18 ქულით სწორედ "შპანდაუ 04" ლიდერობს. მას 2 ქულით ჩამორჩება მე-2 ადგილზე მყოფი "ვასპო ჰანოვერი 98", 11 ქულით მესამე ადგილზეა "დუისბურგი". "ნოიკიოლნის" 8 ქულით გათამაშების ცხრილში მე-4 ადგილი უკავია.

გუშინ რეგიონალნა ლიგაში (ადრიატიკის ჩემპიონატი) მერვე შეხვედრა ჩაატარა სერბეთის "შაბაცმა", რომლის სპორტულ ღირსებას გიორგი მესხი და ნიკოლოზ შუშიაშვილი იცავენ.

გათამაშების აუტსაიდერ სპლიტის (ხორვატია) "ზადართან" სტუმრად შაბაცელებმა აღმავლობით ითამაშეს და 15:11 გაიმარჯვეს. შუშიაშვილმა მეტოქის კარში სამი, მესხმა კი ერთი გოლი გაიტანა.

რვა ტურის შემდეგ "შაბაცი" 18 ქულით მესამე ადგილზეა. მას "ცრვენა ზვეზდა" (24 ქულა) და "ვოივოდინა" (21) უსწრებენ. ხვალ შაბაცელები სტუმრად "შიბენიკს" შეხვდებიან.

ყოველდღიური სპორტული გაზეთი "ლელო"
975
მკითხველის კომენტარები / 0 /
მსგავსი ამბები
რუბრიკის სხვა სიახლეები
;