წყალბურთი. ლეგიონი: ქართველების ხუთი გოლი

საქართველოს წყალბურთელ ვაჟთა ნაკრების ორი წევრი - გიორგი მესხი და ნიკოლოზ შუშიაშვილი სერბეთის ქალაქ შაბაცის გუნდში თამაშობენ და, როგორც გაუწყეთ, ადრიატიკის რეგიონალლიგაში მონაწილეობენ. იქ კი ოთხი ქვეყნის 19 კლუბი იბრძვის საპრიზო ადგილებისთვის, მათ შორის - "შაბაცი", რომელიც მეორე - ცხრაგუნდა ჯგუფშია.

გუშინ შაბაცელებმა ლიგის მეოთხე ტურში (მათთვის ეს მესამე მატჩი იყო) ხორვატიის "მედვეჟაკს" უმასპინძლეს და დიდი ანგარიშით - 19:7 გაიმარჯვეს. მესხმა ოთხი, შუშიაშვილმა კი ერთი გოლი გაიტანა.

ოთხი ტურის შემდეგ 12 ქულით მე-2 ჯგუფის გათამაშების ცხრილის სათავეშია ბელგრადის "ცრვენა ზვეზდა" (+15 ბურთი), 9-9 ქულით მეორე-მესამე ადგილებს იყოფენ ქართველების "შაბაცი" (+19) და ნოვი სადის "ვოივოდინა (4-დან, +12).

მესხი და შუშიაშვლი 11 ნოემბერს გიორგის ყოფილ გუნდს - ნოვი სადის "ვოივოდინა" (მესხმა მის შემადგენლობაში სერბეთის 2017 წლის ჩემპიონობა მოიპოვა) ეწვევიან.

ყოველდღიური სპორტული გაზეთი "ლელო"
1236
მკითხველის კომენტარები / 0 /
მსგავსი ამბები
რუბრიკის სხვა სიახლეები
;