წყალბურთი. მაგრაქველიძის ექვსი გოლი

საქართველოს წყალბურთელ ვაჟთა ეროვნული ნაკრების წევრები წარმატებით განაგრძობენ ასპარეზობას უცხოურ კლუბებში.

გიორგი მაგრაქველიძის "ნოვაკმა" სლოვაკეთის ჩემპიონატის (ექსტრალიგა) მეშვიდე ტურში გასვლითი შეხვედრა მოუგო აუტსაიდერ "პირანას" დიდი ანგარიშით - 36:2.

ქართველი წყალბურთელი საკუთარ გუნდს ექვსი ბურთით შეეწია. "ნოვაკმა" ჩემპიონატის ექვსივე შეხვედრაში წარმატებას მიაღწია და 12 ქულით (119:32) პირველ ადგილზეა.

ადრიატიკის ჩემპიონატის (რეგიონალნალიგა) II ქვეჯგუფის მე-6 ტურში სერბეთის "შაბაცმა", რომლის ღირსებასაც გიორგი მესხი და ნიკა შუშიაშვილი იცავენ, შინ "ნიშის" სძლია 15:6. ამჯერად ჩვენებურთაგან მხოლოდ მესხმა გაიტანა ერთი გოლი. 25 ნოემბერს ქართველთა გუნდი ბელგრადში "ცრვენა ზვეზდას" შეხვდება.

რეგიონალნალიგის I ჯგუფში აუტსადერთა შორისაა ნიკოლოზ შუბლაძისა (მეკარე) და დამირ ცრეპულიას "პრიმორაცი" (მონტენეგრო), რომელმაც შინ ზედიზედ ორი ორთაბრძოლა დათმო - ჯერ ჰერცეგნოვის "იადრანთან" - 4:11, შემდეგ კი ზაგრების (ხორვატია) "ბუდუჩნოსტთან" - 12:16.

ამ პაექრობაში მასპინძელთაგან სამი გოლი ცრეპულიას ანგარიშზეა. ექვსი ტურის შემდეგ "პრიმორაცი" 3 ქულით "პრიმორიესა" და "ბუდვასთან" მერვე-მეათე ადგილებს იყოფს.

ყოველდღური სპორტული გაზეთი "ლელო"

2428
მკითხველის კომენტარები / 0 /
მსგავსი ამბები
რუბრიკის სხვა სიახლეები
;