წყალბურთი. ნაკრების პირველი გამარჯვება ბარსელონაში, ვაჟთა ევროპის ჩემპიონატზე

ბარსელონაში გრძელდება წყალბურთელ ვაჟთა ევროპის ჩემპიონატის ფინალური რაუნდის პაექრობები.

გასულ უქმეებზე შეჯიბრების მონაწილეებმა ჯგუფური ეტაპის ბოლო ტურის შეხვედრები მოილიეს და პლეი ოფის პირველი შეხვედრებიც გამართეს.

ქართველმა წყალბურთელებმა გუშინ თურქეთის ნაკრებს სძლიეს და მე-13 ადგილისთვის ბრძოლის უფლება მოიპოვეს, თუმცა მანამდე იყო საკვალიფიკაციო რაუნდის ბოლო მატჩი იტალიასთან.

შეგახსენებთ, რომ აპენინელებმა ოლიმპიური თამაშები სამჯერ მოიგეს, თანაც ისინი ბოლოს სწორედ ბარსელონის 1992 წლის ოლიმპიურ თამაშებში გახდნენ ჩემპიონები. ორჯერ ვერცხლისა და სამჯერ ბრინჯაოს მედალს დასჯერდნენ; ევროპაზე - 3 ოქრო, 2 ვერცხლი და 6 ბრინჯაო, მსოფლიოზე კი - 3 ოქრო, 2 ვერცხლი და 1 ბრინჯაო აქვთ მოპოვებული. ისინი ამჯერადაც პირველობის ფავორიტები არიან.

საქართველო-იტალია 3:14
0:3, 1:3, 1:5, 1:3

საქართველო: შუბლაძე, ქავთარაძე, ცრეპულია, იმნაიშვილი, ბითაძე, ელაჩა, ჯახაია, ბაღათურია, რურუა (2), გეგელაშვილი, მაგრაქველიძე (1), მესხი, რაზმაძე.

იტალია: დელ ლუნგო, დი ფულვიო (2), მოლინა რიოსი (2), ფონდელი, ფიგლიოლი (2), ველოტო (2), რენზუტო (1), გალო, პრესკიუტი (2), ბოდეგასი (2), გონსალო, ბერტოლი (1), ნიკოსია.

მატჩის სტენოგრამა
I პერიოდი. დარჩენილი იყო 7.34-0:1 (ფიგლიოლი), 6.25-0:2 (ბოდეგასი), 0.48-0:3 (პრესკიუტი).
II პერიოდი. 7.30-0:4 (რენზუტო), 6.41-0:5 (ბოდეგასი), 5.27-0:6 (მოლინა რიოსი), 4.23-1:6 (რურუა, პენალტით).
III პერიოდი. 6.34-2:6 (რურუა), 4.58-2:7 (ველოტო), 2.42-2:8 (მოლინა რიოსი), 1.35-2:9 (პრესკიუტი), 0.37-2:10 (დი ფულვიო), 0.10-2:11 (დი ფულვიო).
IV პერიოდი. 7.40-2:12 (ფიგლიოლი), 6.18-2:13 (ბერტოლი), 2.42-2:14 (ველოტო), 1.06-3:14 (მაგრაქველიძე).

იტალია ამ ჩემპიონატზეც მედლებისთვის იბრძვის და, ცხადი იყო, მას საქართველოსთან გამარჯვება არ გაუჭირდებოდა, მით უმეტეს, რომ წინა ტურში შეჯიბრების ერთ-ერთი ფავორიტი უნგრეთი შვიდი ბურთის სხვაობით დაამარცხა - 12:5.

ორი წლის წინათ მსგავს შეჯიბრებაზე აპენინელებმა ჩვენებს 21:1 მოუგეს. მათ ამჯერადაც პირველი წუთებიდანვე ხელთ იგდეს ინიციატივა და მატჩი სასურველ დასასრულამდეც მიიყვანეს, თუმცა უფრო მოკრძალებული ანგარიშით - 14:3. ამ წარმატებით იტალიელებმა ჯგუფში პირველი ადგილი დაიკავეს და მეოთხედფინალში დაიბევეს ადგილი.

რევაზ ჩომახიძე, საქართველოს ნაკრების მთავარი მწვრთნელი: "ჩვენს ჯგუფში ძალიან ძლიერმა გუნდებმა მოიყარეს თავი - იტალიამ, უნგრეთმა, გერმანიამ, რომლებიც ჩვენზე ბევრად უკეთესები არიან. ჯგუფურ ეტაპზე ერთი მიზანი გვქონდა - კარგად გვეთამაშა და, ვფიქრობთ, ჩვენ ეს შევძელით, მეტიც - საკუთარ შესაძლებლობებზე უკეთაც ვიასპარეზეთ".

ალესანდრო კამპანია, "იტალიის ნაკრების მთავარი მწვრთნელი: ვულოცავ ჩემს გუნდს გამარჯვებას. ვფიქრობ, რომ დღეს უკეთესი თამაში ვაჩვენეთ, ვიდრე წინა ორ ტურში. განსაკუთრებით შეტევებისას გამოვირჩეოდით მრავალმხრივობით.

წყალბურთელები მატჩის ბოლომდე კონცენტრირებული იყვნენ წარმატებაზე. ბიჭები თანდათან იმაღლებენ სასპორტო ფორმას. ახლა მთავარია, მთელი ყურადღება მეოთხედფინალზე გადავიტანოთ. სხვა გუნდებისგან განსხვავებით, ერთი დღით მეტს დავისვენებთ. ეს კარგიცაა და ცუდიც. ყოველ შემთხვევაში, მეოთხედფინალური ორთაბრძოლის მოსაგებად ყველაფერს გავაკეთებთ".

A ჯგუფი
გერმანია-უნგრეთი 4:4

თ მ ფ წ ბ ქ
იტალია 3 3 0 0 40:9 9
უნგრეთი 3 1 1 1 21:21 4
გერმანია 3 1 1 1 15:27 4
საქართველო 3 0 0 3 17:36 0

B ჯგუფი
მალტა-საფრანგეთი 6:12
ჩერნოგორია-ესპანეთი 7:7

თ მ ფ წ ბ ქ
ესპანეთი 3 2 1 0 35:15 7
მონტენეგრო 3 2 1 0 32:18 7
საფრანგეთი 3 1 0 2 22:21 3
მალტა 3 0 0 3 15:50 0

C ჯგუფი
თურქეთი-ჰოლანდია 5:22
ხორვატია-საბერძნეთი 11:7

თ მ ფ წ ბ ქ
ხორვატია 3 3 0 0 49:17 0
საბერძნეთი 3 2 0 1 46:19 6
ჰოლანდია 3 1 0 2 37:32 3
თურქეთი 3 0 0 3 8:72 0

D ჯგუფი
სერბეთი-სლოვაკეთი 13:5
რუსეთი-რუმინეთი 12:7

თ მ ფ წ ბ ქ
სერბეთი 3 3 0 0 35:19 9
რუსეთი 3 2 0 1 33:24 6
რუმინეთი 3 1 0 2 21:28 3
სლოვაკეთი 3 0 0 3 16:34 0

ჯგუფური ეტაპის შემდეგ პირველადგილოსნები პირდაპირ მეოთხედფინალში გავიდნენ, მეორე-მესამეებმა გუშინ მეოთხედფინალის ოთხი საგზურისთვის იბრძოლეს, ხოლო ბოლო ადგილებზე გასულმა გუნდებმა XIII-XVI ადგილებისთვის ითამაშეს. მათ შორის იყო საქართველოს ნაკრები, რომელიც თურქეთის გუნდს დაუპირისპირდა. ბოლო სამი წელიწადია, ჩვენები სამხრეთელ მეზობლებს თითქმის ყველა ტურნირში ჯაბნიან. ტრადიცია არც გუშინ დარღვეულა.

საქართველო-თურქეთი 15:10
6:3, 1:1, 3:3, 5:3

საქართველო: შუბლაძე, ქავთარაძე, ცრეპულია (2), იმნაიშვილი (2), ბითაძე (4), ელაჩა (3), ჯახაია, ბარათურია (3), რურუა (1), გეგელაშვილი, მაგრაქველიძე, მესხი, რაზმაძე.

თურქეთი: კილი, აქარი, შენემოღლუ, ბიიკი (4), დუზენლი, ერგინი (4), ტურანი, სონმეზი (1), ოზბეკი, იილმაზი (1), გურდენლი, ოზდემირი.
მატჩის სტენოგრამა

I პერიოდი. დარჩენილი იყო 7.11-1:0 (ბითაძე), 5.41-2:0 (იმნაიშვილი), 4.54-3:0 (ელაჩა), 4.15-3:1 (ერგინი), 3.44-4:1 (ბაღათურია), 2.35-4:2 (ერგინი), 2.12-5:2 (ცრეპულია), 0.24-6:2 (ბითაძე), 0.01-6:3 (სონმეზი).
IIპერიოდი. 7.36-6:4 (ერგინი), 2.34-7:4 (ბაღათურია).
III პერიოდი. 7.19-8:4 (იმნაიშვილი), 5.29-8:5 (ბიიკი), 4.51-9:5 (ბითაძე), 2.56-9:6 (ბიიკი), 1.08-10:6 (ბაღათურია), 0.48-10:7 (ერგინი).
IV პერიოდი. 7.41-11:7 (ბითაძე), 7.13-11:8 (ბიიკი), 5.15-11:9 (ბიიკი), 4.54-12:9 (რურუა), 2.55-13:9 (ცრეპულია), 2.06-14:9 (ელაჩა), 0.25 (იილმაზი), 0.04-15:10 (ელაჩა).

ორი წლის წინათაც ევროპის ჩემპიონატზე საქართველოს, თურქეთის, მალტისა და სლოვაკეთის გუნდები ჯგუფებში ბოლო ადგილებზე გავიდნენ და, როგორც ახლა, XIII-XVI ადგილებისთვის ითამაშეს. მაშინ საქართველომ თურქეთს სძლია 12:11, ხოლო სლოვაკეთმა მალტას აჯობა - 17:9.

ისტორია მეორდება: გუშინ ქართველმა წყალბურთელებმა პირველი წუთებიდანვე ხელთ იგდეს მატჩის სადავეები და შეხვედრა სასურველ დასასრულამდე მიიყვანეს - 15:10 მოუგეს თურქეთის გუნდს. სლოვაკეთმა მალტა დაამარცხა 11:6. ამდენად, მე-13 ადგილისთვის ხვალ საქართველო და სლოვაკეთი ითამაშებენ.

ჩვენებს ორი წლის წინათ მარცხისთვის (9:10) რევანშის შანსი და სატურნირო ცხრილში ერთი საფეხურით ანაცვლების შესაძლებლობა ეძლევათ.

რევაზ ჩომახიძე: ჩემი შეგირდების დღევანდელი თამაში არ მომეწონა. თუმცა მთავარი ის არის, რომ გავიმარჯვეთ და მომდევნო მატჩშიც წარმატებისთვის ვიბრძოლებთ.

დამირ ცრეპულია, საქართველოს ნაკრების მოთამაშე: არც ისე იოლი მატჩი გამოდგა, როგორც გვეგონა. მეოთხე პერიოდში თურქეთის გუნდს ბურთების ძალების დაუძაბავად გატანის საშუალება მივეცით და კინაღამ დავისაჯეთ. მე მესმის ჩვენი ბიჭების - მოტივაცია აკლდათ. ჯგუფში ძლიერი მეტოქეები შეგვხვდა - იტალია, უნგრეთი, გერმანია.

ამ უკანასკნელთან გამარჯვებას ვგეგმავდით და მიზანთანაც ახლოს ვიყავით, მაგრამ ბოლო პერიოდში ფორტუნამ ზურგი გვაქცია, რამაც გუნდის განწყობაზე იმოქმედა. დღევანდელი მოგების შემდეგ მე-13 ადგილისა და რევანშისთვის ვიბრძოლებთ, რაც დამატებითი სტიმული იქნება.
პლეი ოფის გუშინდელი მატჩები

უნგრეთი-ჰოლანდია 12:9, გერმანია-საბერძნეთი 5:13, რუმინეთი-მონტენეგრო 5:15
1/4 ფინალი

სერბეთი-უნგრეთი, ესპანეთი-საბერძნთი, ხორვატია-მონტენეგრო, იტალია-საფრანგეთი/რუსეთი.

ყოველდღიური სპორტული გაზეთი "ლელო"
1121
მკითხველის კომენტარები / 0 /
მსგავსი ამბები
რუბრიკის სხვა სიახლეები
;