წყალბურთი. საქართველოს ჩემპიონატი ბავშვებმაც დაიწყეს

სტარტი აიღო საქართველოს ჩემპიონატმა 2005-06 წელს დაბადებულ წყალბურთელთა შორის. შეჯიბრებაში მონაწილეობს 13 გუნდი, რომლებიც ტურების პრინციპით თამაშობან და სეზონის ბოლოს ჩემპიონსაც გამოავლენენ.

ჩემპიონატში რეგიონის გუნდებთან ერთად, რა თქმა უნდა, თბილისის წარმომადგენლებიც მონაწილეობენ. ერთ-ერთი მათგანია "იმედი", რომელსაც წვრთნიან მამუკა ნიაზაშვილი და დავით ხავთასი. შეჯიბრების შესახებ აზრი ვკითხეთ ბატონ დავითს:

- ჩემპიონატი საინტერესოდ დაიწყო. ბოლო დროს თბილისში ძალიან ბევრი პატარა ინტერესდება წყალბურთით. სასიამოვნოა, რომ ამ მხრივ დედაქალაქელებს არ ჩამოუვარდებიან რეგიონები, ძლიერი გუნდები ჰყავთ ქუთაისს, ბათუმსა და საჩხერეს. ჩვენც ღირსეულად ვიბრძვით, შეკრება ბაკურიანში გავიარეთ და ბავშვები მონდომებით ვარჯიშობენ.

მისი "იმედი" გლდანი-ნაძალადევის კომპლექსური სპორტული ცენტრის (დირექტორი გივი ჩხარტიშვილი) გუნდია. თავად დავით ხავთასს კი ახლახან მიენიჭა საქართველოს დამსახურებული მოღვაწის წოდება.

219
მკითხველის კომენტარები / 0 /
მსგავსი ამბები
რუბრიკის სხვა სიახლეები
;