წყალბურთი: ქათველები ადრიატიკის წყალში

საქართველოს წყალბურთელ ვაჟთა ნაკრების ოთხი წევრი ადრიატიკის ჩემპიონატში (რეგიონალლიგა) მონაწილეობს: გიორგი მესხი და ნიკოლოზ შუშიაშვილი სერბეთის "შაბაცის" ღირსებას იცავენ და რეგიონალლიგის მეორე ქვეჯგუფში თამაშობენ.

მათი გუნდი ოთხი ტურის შემდეგ მე-2 ადგილზეა.

ნიკოლოზ შუბლაძისა (მეკარე) და დამირ ცრეპულიას ხორვატული "პრიმორაცი" პირველ ქვეჯგუფში ასპარეზობს და ოთხ ტურში ერთი მოგებით მერვე ადგილზეა.

ქართველების გუნდმა სამი შეხვედრა ფავორიტებთან წააგო: სტარტზე სტუმრად "მორნართან" დამარცხდა 8:10 (შუბლაძემ ითამაშა და ერთი პენალტიც აიღო, ცრეპულია განაცხადში არ იყო).

მეორე ტურის მატჩი შინ "პარტიზანთან" დათმო - 7:10 (ერთი გოლი ცრეპულიამ მიითვალა), მომდევნო ტურში ერთპიროვნულმა ლიდერმა "იუგმა" აჯობა 9:16 (ცრეპულიამ 2 ბურთი გაიტანა).

მე-4 ტურში "პრიმორაცმა" სტუმრად სპლიტის "იადრანს" მოუგო - 8:7. ამ მატჩში განსაკუთრებით შუბლაძემ იყოჩაღა. ცრეპულია ერთი გოლით დაკმაყოფილდა.

მეხუთე ტურის შეხვედრას "პრიმორაცი" შინ გამართავს ჰერცეგნოვის "იადრანთან", რომელივ 3 მოგებით მეორე-მეოთხე ადგილებს იყოფს.

ყოველდღიური სპორტული გაზეთი "ლელო"
1088
მკითხველის კომენტარები / 0 /
მსგავსი ამბები
რუბრიკის სხვა სიახლეები
;