წყალხტომა: დებიუტი მეოთხე ადგილით

ორი ქართველი სპორტსმენი მონაწილეობდა კიევში ახალგაზრდა წყალმხტომელთა საერთაშორისო ტურნირში, რომლებიც თბილისის მერიის სპორტის სამსახურმა დააფინანსა.

მედლებისთვის 12 ქვეყნის 100-ზე მეტი წარმომადგენელი იბრძოდა სხვადასხვა ასაკში. 16-წლამდელებში სამმეტრიანი ტრამპლინიდან ხტომაში საერთაშორისო ტურნირის დებიუტანტმა, 15 წლის ირაკლი ნანაძემ 298 ქულით მეოთხე ადგილი დაიკავა. ჩვენებურს აჯობეს ამ ასაკში ევროპის წლევანდელმა ჩემპიონმა ანტონ ანტონოვმა (უკრაინა, 358 ქულა), მაქსიმ მატიენკამ (ბელარუსი, 328,45) და ეგორ მიხეევმა (უკრაინა, 314).

10-წლამდელებში თეკლა შარია ერთმეტრიანი ტრამპლინიდან ხტომაში 135 ქულით მე-14 ადგილზე გავიდა.

გაისად ივნისში უკრაინის დედაქალაქი ახალგაზრდების მსოფლიოს ჩემპიონატს უმასპინძლებს. ეს იქნება ერთადერთი სალიცენზიო შეჯიბრება, სადაც მსოფლიოს ახალგაზრდობის მესამე ოლიმპიური თამაშების (ბუენოს აირესი) საგზურები გათამაშდება. კიევში საქართველოს ღირსებას თორნიკე ონიკაშვილი დაიცავს.

ყოველდღიური სპორტული გაზეთი "ლელო"
1594
მკითხველის კომენტარები / 0 /
მსგავსი ამბები
რუბრიკის სხვა სიახლეები
;