წყალხტომა. ვერცხლი ბელარუსიდან

მინსკში (ბელარუსი) დამთავრდა წყალმხტომელთა საერთაშორისო ტურნირი, რომელშიც 70 ქალ-ვაჟი მონაწილეობდა, მათ შორის - 6 საერთაშორისო ოსტატი და 20 სპორტის ოსტატი.

3-მეტრიანი ტრამპლინიდან ინდივიდუალურ ხტომებში საპრიზო ადგილებისთვის იბრძოდა საქართველოს ნაკრების წევრი, 21 წლის სანდრო მელიქიძე (მწვრთნელი - საწყლოსნო სახეობათა ეროვნული ფედერაციის ვიცე პრეზიდენტი ირაკლი ბართაია), რომელიც საკვალიფიკაციო ეტაპზე 311 ქულით მესამე იყო, ფინალში კი პირადი სარეკორდო მაჩვენებლით - 348,70 ქულით (საერთაშორისოს ნორმაა 330 ქულა) მეორე ადგილზე გადაინაცვლა და ვერცხლის მედალი მოიპოვა.

ოქრო ბაქოს პირველი ევროპული თამაშების მეოთხეადგილოსანმა იური ნავროზოვმა (მინსკი, 377 ქულა) დაიმსახურა. მესამე ადგილზეც მისი თანაგუნდელი ივან სემენიუკი (325 ქულა) გავიდა.

საგულისხმოა, რომ მელიქიძე წლეულს ესპანეთის საერთაშორისო ტურნირზე ინდივიდუალურში 289 ქულით მესამე იყო, ხოლო კიევის A კატეგორიის საერთაშორისო ტურნირის სინქრონულ ხტომებში 16 წლის თორნიკე ონიკაშვილთან ერთად 344 ქულით მეორე ადგილი დაიკავა.

ფოტოზე, მარცხნიდან: სანდრო მელიქიძე, იური ნავროზოვი, იური სემენიუკი

1491
მკითხველის კომენტარები / 0 /
რუბრიკის სხვა სიახლეები
;