ჭადრაკი. ევროპის გუნდური ჩემპიონატი: საათები ხვალ ჩაირთვება

დღეს, 27 ოქტომბერს, საბერძნეთის კუნძულ კრეტაზე საზეიმოდ გაიხსნება მოჭადრაკეთა ევროპის გუნდური ჩემპიონატი.

საქართველოს ქალთა ნაკრები (ნანა ძაგნიძე, ბელა ხოტენაშვილი, ლელა ჯავახიშვილი, ნინო ბაციაშვილი, სალომე მელია, მწვრთნელი და კაპიტანი ელიზბარ უბილავა) ტურნირზე მეორე ნომრადაა განთესილი. პირველია ევროპის მოქმედი ჩემპიონი რუსეთის ნაკრები.

ჩვენები, ცხადია, საპრიზო სამეულში მოსახვედრად იბრძოლებენ. კვარცხლბეკზე ასასვლელად მათი უპირველესი კონკურენტები რუსები და უკრაინელები იქნებიან.

საქართველოს ვაჟთა ნაკრებს (ბაადურ ჯობავა, მიხეილ მჭედლიშვილი, ლევან ფანცულაია, დავით ჯოჯუა, ლუკა პაიჭაძე, მწვრთნელი და კაპიტანი ზურაბ სტურუა) განთესვით მე-13 ნომერი აქვს. ჩვენი ბიჭების უპირველესი ამოცანაა პირველ ათეულში მოხვედრა.

ყოველდღიური სპორტული გაზეთი "ლელო"
1255
მკითხველის კომენტარები / 0 /
მსგავსი ამბები
რუბრიკის სხვა სიახლეები
;