ჭადრაკი. ევროპის გუნდური ჩემპიონატი: ქალები მედლის შანსს ინარჩუნებენ

კუნძულ კრეტაზე დღეს დამთავრდება მოჭადრაკეთა ევროპის გუნდური ჩემპიონატი, რომელშიც ქალთა 32 და ვაჟთა 40 ნაკრები მონაწილეობს. გასულ უქმეებზე მოასპარეზეებმა სამი ტურის პარტიები გაითამაშეს.

ქალებში განსაკუთრებით დაძაბული აღმოჩნდა მე-6 ტური. საქართველოს ნაკრები მედლებისთვის უშუალო კონკურენტ უკრაინას დაუპირისპირდა. სამი პარტია ყაიმით დასრულდა, ჩვენს გუნდს გამარჯვების ქულა მე-2 დაფაზე ნინო ბაციაშვილმა მოუტანა, რომელმაც ორგზის ევროპის ჩემპიონი ნატალია ჟუკოვა დაამარცხა - 2.5:1.5 (ნანა ძაგნიძე-ანა მუზიჩუკი 0.5:0.5, ნინო ბაციაშვილი-ნატალია ჟუკოვა 1:0, ბელა ხოტენაშვილი-ანა უშენინა 0.5:0.5, ლელა ჯავახიშვილი-ინა გაპონენკო 0.5:0.5). ამავე ტურში პოლონელები რუსებს დაუზავდნენ.

მე-7 ტურში რუსებსა და ქართველებს პრობლემები არ შექმნიათ: ჩვენებმა მშრალი ანგარიშით სძლიეს ესპანელებს - 4:0 (საბრინა ვეგა გუტიერესი-ნანა ძაგნიძე 0:1, მარტა გარსია მარტინი-ნინო ბაციაშვილი 0:1, ანა მათნაძე-ბელა ხოტენაშვილი 0:1, მონიკა რუისი-სალომე მელია 0:1). რუსებმა, ასევე, იოლად აჯობეს იტალიელებს - 3:1, ხოლო უკრაინელებმა და პოლონელებმა ფრედ დაამთავრეს შეხვედრა.

გუშინ მე-8 ტურის პაექრობები გაიმართა. საქართველო პოლონეთთან 1:3 დამარცხდა (მონიკა სოჩკო-ნანა ძაგნიძე 0.5:0.5, იოლანტა ზავადსკა-ნინო ბაციაშვილი 1:0, კარინა შჟეპკოვსკა-ლელა ჯავახიშვილი 1:0, კლაუდია კულონი-სალომე მელია 0.5:0.5); თურქეთი-რუსეთი 0:4, იტალია-რუმინეთი 2:2, უკრაინა-ესპანეთი 2,5:15, ჩეხეთი-სომხეთი 1.5:2.5, სერბეთი-ჰოლანდია 2:2, საფრანგეთი-აზერბაიჯანი 1:3.

რვა ტურის შემდეგ: რუსეთი-15, საქართველო, პოლონეთი-12-12, უკრაინა-სომხეთი-11-11 ქულა.

ვაჟთა ტურნირში კვლავ არასტაბილურად ითამაშა საქართველოს ნაკრებმა. მე-6 ტურში ჩვენებმა იოლად მოუგეს იტალიელებს - 3:1 (ბაადურ ჯობავა-საბინო ბრუნელო 1:0, ლევან ფანცულაია-დანიილ დვირნი 1:0, დავით ჯოჯუა-მიჩელე გოდენა 0,5:0.5, ლუკა პაიჭაძე-ლუკა მორინი 0.5:0.5).

მომტევნო ტურში ჩვენები თურქებთან დამარცხდნენ 1.5:2.5 (დრაგან სოლაკი-ბაადურ ჯობავა 0.5:0.5, მუსტაფა იილმაზი ლევან ფანცულაია 0.5:0.5, ემრე ქანი-დავით ჯოჯუა 0.5:0.5, ვაფაპ-სანალი-ლუკა პაიჭაძე 1:0), გუშინ მერვე ტურში კი ესპანელებთან დათმეს პაექრობა - 0.5:3.5 (ბაადურ ჯობავა-დავიდ ანტონი 0.5:0.5, მიხეილ მჭედლიშვილი-ივან სალგადო ლოპესი 0:1, ლევან ფანცულაია-ოლეგ კორნეევი 0:1, დავით ჯოჯუა-ხოსე კარლოს იბარა 0:1); რუსეთი-აზერბაიჯანი 1:3, უნგრეთი-უკრაინა 1.5:2.5, ისრაელი-გერმანია 1:3, ჰოლანდია-თურქეთი 1.5:2.5, საფრანგეთი-ხორვატია 1.5:2.5, რუმინეთი-სერბეთი 2.5:1.5, საბერძნეთი-ინგლისი 1.5:2.5, სომხეთი-პოლონეთი 2:2.

რვა ტურის შემდეგ: აზერბაიჯანი-13, რუსეთი, უკრაინა-12-12, გერმანია, თურქეთი, ხორვატია-11-11, საქართველო 7 ქულით 25-ეა.

ბოლო ტური
ქალები: სომხეთი-რუსეთი, საქართველო-იტალია, რუმინეთი-პოლონეთი, თურქეთი-უკრაინა.
ვაჟები: ფინეთი-საქართველო... აზერბაიჯანი-უკრაინა, გერმანია-რუსეთი, თურქეთი-ხორვატია, ინგლისი-უნგრეთი, ესპანეთი-რუმინეთი.

ყოველდღიური სპორტული გაზეთი "ლელო"
1082
მკითხველის კომენტარები / 0 /
მსგავსი ამბები
რუბრიკის სხვა სიახლეები
;