ჭადრაკი. თითო მოგება, ფრე და მარცხი მსოფლიოზე

ყაზახეთის დედაქალაქ ასტანაში გრძელდება მოჭადრაკე ქალ-ვაჟთა წრიული გუნდური მსოფლიოს ჩემპიონატი 10-10 ნაკრების მონაწილეობით.

უკვე ვწერდით, რომ საქართველოს ქალთა ნაკრები (ბელა ხოტენაშვილი (2474), ნინო ბაციაშვილი (2454), ლელა ჯავახიშვილი (2455), მერი არაბიძე (2392), სალომე მელია (2385). კაპიტანი და მთავარი მწვრთნელი ელიზბარ უბილავა, მწვრთნელი - დავით ჯოჯუა) პირველ ტურში ინდოელ მოჭადრაკეებს (ტოპმოთამაშეებმა-ჰამპი კონერუმ და ჰარიკა დრონავალიმ ჩემპიონატს ზურგი აქციეს) დაუზავდა.

მე-2 ტურში ჩვენების მეტოქე იყო ჩინეთის გუნდი, რომლის შემადგენლობაში არ თამაშობენ ქალთა საერთაშორისო კლასიფიკაციით უძლიერესი ჰოუ იფანი და მოქმედი მსოფლიოს ჩემპიონი ცზიუი ვენძიუნი. ქართველებს ევროპის 2017 წლის ჩემპიონი ნანა ძაგნიძე აკლიათ. დაძაბული პაექრობა აზიელთა გამარჯვებით დასრულდა 2.5:1.5, გუშინ მესამე ტურში კი ქართველმა დიდოსტატებმა ამერიკელებს აჯობეს 3.5:0.5.

ქალები
II ტური. საქართველო-ჩინეთი (ბელა ხოტენაშვილი-თან ჟუნი 0:1, მერი არაბიძე-შენ იანი 0.5:0.5, ლელა ჯავახიშვილი-ჰუან ძიანი 0.5:0.5, ნინო ბაციაშვილი-ტინჯი ლეი 0.5:0.5), ეგვიპტე-უკრაინა 0:4, უნგრეთი-აშშ 1:3, სომხეთი-რუსეთი 0.5:3.5, ყაზახეთი-ინდოეთი 2:2.

III ტური. აშშ-საქართველო 0.5:3.5 (თათევ აბრაჰამიანი-ბელა ხოტენაშვილი 0:1, კატერინა ნემცოვა-ლელა ჯავახიშვილი 0:1, კარისა იიპი-ნინო ბაციაშვილი 0.5:0.5, როჩელ ვუ-სალომე მელია 0:1), რუსეთი-ეგვიპტე 4:0, ინდოეთი-სომხეთი 2.5:1.5, ჩინეთი-ყაზახეთი 2.5:1.5, უკრაინა-უნგრეთი 3.5:0.5.
სამი ტურის შემდეგ: რუსეთი (საერთო მონაგარი-10.5 ქულა), ჩინეთი (8.5) - 6-6 (გუნდური), უკრაინა-5 (9), ინდოეთი-4 (6.5), საქართველო (7), აშშ (5.5) - 3-3, სომხეთი-2 (6), ყაზახეთი-1 (4.5), უნგრეთი (3.5), ეგვიპტე (0) - 0 ქულა.

ვაჟები
II ტური. შვედეთი-ყაზახეთი 1:3, აზერბაიჯანი-ინგლისი 1.5:2.5, აშშ-ჩინეთი 2.5:1.5, რუსეთი-ეგვიპტე 3:1, ინდოეთი-ირანი 2:2.
III ტური. ირანი-შვედეთი 3.5:0.5, ეგვიპტე-ინდოეთი 0.5:3.5, ჩინეთი-რუსეთი 1.5:2.5, ინგლისი-აშშ 2:2, ყაზახეთი-აზერბაიჯანი 2:2.

სამი ტურის შემდეგ: რუსეთი-6 (8), ინდოეთი (9), აშშ (7.5), ინგლისი (7)-5-5, ირანი (7), ყაზახეთი (6.5)-3-3, ჩინეთი (6.5)-2, აზერბაიჯანი (4)-1, ეგვიპტე (2.5), შვედეთი (2)-0 ქულა. დღეს მე-4 ტურის პაექრობები გაიმართება.

ყოველდღიური სპორტული გაზეთი "ლელო"
604
მკითხველის კომენტარები / 0 /
მსგავსი ამბები
რუბრიკის სხვა სიახლეები
;