ჭადრაკი. სწრაფი მერი და ელვისებური სოფიკო

ნონა გაფრინდაშვილის სახელობის თბილისის ჭადრაკის სასახლეში დამთავრდა საქართველოს მოჭადრაკე ქალთა გრან პრის ბოლო მეოთხე ეტაპის გათამაშება რაპიდსა და ბლიცში. მთავარი პრიზებისთვის 24 მანდილოსანი იბრძოდა.

რაპიდში (სწრაფი ჭადრაკი) შესანიშნავად ითამაშა მერი არაბიძემ, რომელმაც ცხრა შესაძლებლობიდან შვიდი ქულით პირველი ადგილი დაიკავა. გამარჯვებულს ნახევარი ქულით ჩამორჩა ქეთი წაწალაშვილი. მას მეორე ადგილი ხვდა. 6-6 ქულით მესამე-მეოთხე ადგილები, შესაბამისად, სოფიკო ხუხაშვილმა და მაკა ფურცელაძემ გაიყვეს.

ბლიცშიც (ელვისებური ჭადრაკი) შვეიცარიული სისტემით ცხრა ტური გათამაშდა. აქ პირველობა არავის დაუთმო სოფიკო ხუხაშვილმა, რომელმაც 7.5 ქულით მოიპოვა მთავარი პრიზი.

6.5 ქულით მეორე ადგილზე გავიდა მერი არაბიძე. 6 ქულით მესამე იყო სალომე მელია. ამდენივე ქულა მოაგროვა მირანდა მიქაძემაც, მაგრამ უარესი კოეფიციენტით ის მეოთხე ადგილზე გავიდა.

ყოველდღიური სპორტული გაზეთი "ლელო"
1127
მკითხველის კომენტარები / 0 /
მსგავსი ამბები
რუბრიკის სხვა სიახლეები
;