ჭიდაობა. გაგნიძე ევროპის ჩემპიონია

ქუთაისელი ბაგრატ გაგნიძე (71) თავისუფალ ჭიდაობაში ჭაბუკთა შორის ევროპის ჩემპიონია. ამ საღამოს ჩვენებურმა სკოპიეში მიმდინარე ტურნირის ფინალში 5:3 მოუგო რუს რამაზან აბუზაგიდოვს და ჩემპიონის ტიტულიც დაინარჩუნა.

ჩვენებური თავიდან ჩამორჩა, როცა თავისივე უყურადღებობით ფეხი ლამის ხელებში ჩაუტოვა მეტოქეს. რუსმაც გადაიყვანა ჩოქბჯენში, რაც მსაჯებმა 2-ქულიანად შეაფასეს.

შეხვედრის განახლებისთანავე გაგნიძემ მეტოქე ჯვარედინი მოვლებიდან მშვენიერ 4-ქულიანზე გაისროლა, აი, აქ კი მსაჯებს "რაღაც" გაახსენდათ და რუსს ის ქულა გადაუსწორეს, ერთბაშად 4 ქულა დაუწერეს.

საბოლოოდ ერთი ჩამოაკლეს და ანგარიში 4:3 გახდა, რაც გაგნიძემ ბოლომდე სეინარჩუნა. სასტვენის შემდეგ რუსები ისევ აპროტესტებდნენ, მაგრამ მსაჯებმა არ დაუკმაყოფილეს და ერთი ქულა ჩვენებურს დაუმატეს.

დღესვე ბრინჯაოს მედლებს დაეუფლნენ გიორგი ჭოლაძე (51) და ვალერი გამყრელიძე (60). სამწუხაროდ, ბრინჯაოსთვის შეხვედრა ნიკა ბერულავამ (92) დათმო.

დღესვე ჩემპიონატში მეორე ხუთეულიც ჩაება და ისინიც დიდი წარმატებით გამოდიან - ხვალ ხუთივე მათგანი მედლისთვის იჭიდავებს.

იმათგან ერთი და ისევ ქუთაისელი დავით აბდალაძე (55) ფინალშია გასული, გიორგი გეგელაშვილი (48) და ლაშა მარიამიძე (65) ნახევარფინალში დამარცხდნენ და პირდაპირ ბრინჯაოსთვის იჭიდავებენ, ხოლო გიორგი ნებუნიშვილი (80) და სოლომონ მანაშვილი (110) დამამშვიდებელი წრიდან შეეეცდებიან ბრინჯაომდე მისვლას.

328
მკითხველის კომენტარები / 0 /
რუბრიკის სხვა სიახლეები