ჭიდაობა.ინდოეთის ლიგა. ქართული დუელები ინდოეთში

ინდურ პროლიგაში გრძელდება წინასწარი ეტაპის შეხვედრები ოთხი საუკეთესო კლუბის გამოსავლენად.

შეგახსენებთ, რომ ამ ექვსგუნდიან ლიგაში დღეში თითო პაექრობა იმართება, უქმეების სამდღიან მონაკვეთში კი ამდენივე შეხვედრა ჩატარდა.

თუმცა ამ სამ ტურში მხოლოდ გენო პეტრიაშვილმა (125) და მისმა კლუბმა, ლიგის შარშანდელმა გამარჯვებულმა "პენჯაბ როილასმა" იჭიდავეს, "ჰარიანა ჰამერსმა"კი ვლადიმერ ხინჩეგაშვილის (57) დაუხმარებლად მოუგო "დელი სულთანსს".

პეტრიაშვილის შეხვედრა გამორჩეული გამოდგა, რადგან მისი კლუბი "ვეერ მარათასს" ხვდებოდა, რომლის რიგებშიც მძიმე წონაში სომხეთში გადასული ლევან ბერიანიძე გამოდის. ამ შეხვედრაშიც ქართველები დაუპირისპირდნენ ერთმანეთს.

როგორც წინა პაექრობებში, ამჯერადაც პეტრიაშვილმა იმარჯვა - 1:0; 2:0. მეტოქის რიგებში არ უჭიდავია ასევე სომხეთის სახელით მოჭიდავე გიორგი კეტოევს (97) - სავარაუდოდ, ის მეტოქის მწვრთნელმა დაბლოკა (არის ასეთი წესი პრო ლიგაში). საბოლოოდ პენჯაბელებმა 4:3 მოიგეს და ოდნავ გამოიკეთეს სატურნირო ვითარება.

სატურნირო ცხრილს შევეხეთ და 2 ტურის შემდეგ უდანაკარგოდ გამოდიან "უპ დანგალი" და ხინჩეგაშვილის "ჰარიანა ჰამერსი" (ამათ მეორე შეხვედრა "დელი სულთანსს" 5:2 მოუგეს). თითო მოგება-წაგება აქვთ "მუმბაი მაჰარატხის" და "პენჯაბ როიალსს", ხოლო ორივე პაექრობა წააგეს "დელი სულთანსმა" და "ვეერ მარათასმა".

პირად შეხვედრებს რაც შეეხება, პეტრიაშვილმა ორივე ორთაბრძოლა მოიგო და ლიგის იმ ტოპ-ხუთეულში შედის, რომლებიც უდანაკარგოდ გამოდიან. ასევე უდანაკარგოა ხინჩეგაშვილიც, თუმცა მან ერთი შეხვედრა ჩაატარა.

პროლიგაში ჩვენთვის ყველაზე საინტერესო პაექრობა ხვალ იმართება, როცა პენჯაბელები "ჰარიანას" შეხვდებიან.

ყოველდღიური სპორტული გაზეთი "ლელო"
1162
მკითხველის კომენტარები / 0 /
მსგავსი ამბები
რუბრიკის სხვა სიახლეები
;