ჭიდაობა. ლეგიონი: ქართველების ორი გამარჯვება ბუნდესლიგაში

გერმანულ საჭიდაო ბუნდესლიგაში აღმოსავლეთში ამჯერად მხოლოდ ზვიად მეტრეველმა (98) იჭიდავა და წარმატებითაც: პირად შეხვედრაში 5:4 მოუგო დენის ბალაურს, მისმა "აახენ-ვალჰაიმმა" კი სტუმრად ფრედ დაასრულა შეხვედრა "ჰიუტიგვაილერთან".

"აახენს" ერთ კვირაში ძნელი გასვლა ელოდება "კოლებრახთან", ვისთან ერთადაც პირველ-მეორე ადგილებს იყოფს სატურნირო ცხრილში.

რეგიონალლიგაში წარმატებით გამოვიდნენ "გერმან სულგენი" და მისი ქართველი წევრი ნიკა ტატუაშვილი (57): ჩვენებურმა 9:5 დაამარცხა სულეიმან აიეტი.

სამაგიეროდ, წააგო "სულგენის" მეორე ქართველმა - ნოდარ ეგაძემ (98), ვინც ვიაჩესლავ სუგაკოსთან 1:10 დათმო. თავად "სულგენმა" შინ დიდი ანგარიშით, 23:8 დაამარცხა "რაინფელდემი". მომდევნო შეხვედრას "სულგენი" სტუმრად გამართავს "ტაისერსდორფთან", ამჟამად კი სატურნირო ცხრილში მეორე ადგილზეა და მხოლოდ "აბელჰაუზენს" ჩამორჩება.

ყოველდღიური სპორტული გაზეთი "ლელო"

539
მკითხველის კომენტარები / 0 /
მსგავსი ამბები
რუბრიკის სხვა სიახლეები