[ჭიდაობა] პანდემიამ ჭაბუკები ორად გაჰყო

11-12 მარტს ხაშურის სასპორტო სკოლის დარბაზმა საქართველოს ჩემპიონატს უმასპინძლა ჭაბუკ მოჭიდავეთა შორის. კალენდარული გეგმით, ტურნირი ბიჭებს შორის ორივე საჭიდაო სტილში უნდა ჩატარებულიყო, მაგრამ მხოლოდ თავისუფალი სტილით მოჭიდავეთა შორის გაიმართა, ბერძნულ-რომაულში კი ახალი კორონავირუსის გავრცელების შიშის გამო გადაიდო. თუმცა შეჯიბრება თავისუფალ ჭიდაობაშიც მაყურებელთა გარეშე ჩატარდა. ჯერჯერობით არც ისაა ცნობილი, სად და რომელ ტურნირში იასპარეზებენ მედალოსნები, რადგან ზემოხსენებული ვირუსის გამო სპორტული ასპარეზობები, როგორც სხვა ხალხმრავალი ღონისძიებები, ლამის მთელ მსოფლიოში გადადებულია, მათი განახლება კი იმაზეა დამოკიდებული, როდის ჩაცხრება ახალი ეპიდემია. ისე კი შეგახსენებთ, სად და რა მნიშვნელოვანი შეჯიბრებები ელოდებათ წლეულს ჭაბუკებს - 15-21 ივნისს პოლონურ კატოვიცეში ევროპის ჩემპიონატის უკლებლივ ყველა საჭიდაო სტილში, ხოლო 17-23 აგვისტოს კი ბუდაპეშტი მსოფლიოს პირველობას უმასპინძლებს. ღმერთმა ნუ ჰქნას, რომ კორონავირუსის შიშით ამ ტურნირების გადადება გახდეს საჭირო.


თავისუფალი ჭიდაობა


45 კგ. 1. თორნიკე ასაბაშვილი (საგარეჯო); 2. ლაშა ლომიძე (ხაშური); 3. ნიკოლოზ ბეშიძე (ამბროლაური), ნიკა აგლაძე (რუსთავი).

48 კგ. 1. დავით ფარტენაძე; 2. ნიკა აბაშიძე (ორივე - აჭარა); 3. ნიკოლოზ ტაბატაძე (რუსთავი), აბას მაგომედოვი (თბილისი).

51 კგ. 1. ნიკოლოზ სანთელაძე (ამბროლაური, ორც); 2. საბა ლაზიშვილი (აჭარა); 3. გოგა მულაძე (ხაშური), საბა კობახიძე (ამბროლაური).

55 კგ. 1. ლუკა ღვინჯილია (აფხაზეთი - ორც); 2. ლუკა გუგეშაშვილი (ონი); 3. ნიკა მელაძე (აჭარა), დავით ოქროპირიძე (გორი).

60 კგ. 1. ბეჟან ბარსონიძე (ამბროლაური); 2. თორნიკე ჯოხაძე (ონი - ორც); 3. გიორგი გოგრიჭიანი (ამბროლაური), ნუგზარ მამიაშვილი (ხაშური).

65 კგ.  1. გიგი ქურხული; 2. თორნიკე ტულაშვილი (ორივე - საგარეჯო); 3. ედვარდ პოღოსიანი (გორი), გიორგი გოგიჩაიშვილი (თბილისი - ორც).

71 კგ. 1. დავით კუჭუაშვილი (საგარეჯო); 2. თორნიკე ლობჟანიძე (გარდაბანი); 3. ოთარ ადეიშვილი (სამტრედია), გიორგი ნაჭყებია (აფხაზეთი).

80 კგ. 1. ნიკა ფესტვენიძე (ქუთაისი); 2. გიორგი სანთელაძე (ამბროლაური - ორც); 3. ბესიკ ბასიშვილი (გორი), გიორგი მელაშვილი (ამბროლაური).

92 კგ.  1. ლევან ბაზაძე (საჩხერე - ორც); 2. მიხეილ კალაიჯიშვილი (გარდაბანი); 3. ნიკა სულაძე (ხაშური), გიორგი რომელაშვილი (გორი).

110 კგ.  1. ნიკოლოზ ბარაბაძე (თბილისი - ორც); 2. ზურაბ რომელაშვილი; 3. ალეკო მუჯარიძე (ორივე - გორი), ალეკო ქადაგიძე (აჭარა).

 გუნდური: 1. თბილისი; 2. ამბროლაური; 3. გორი.

გია კვინიკაძე (თავისუფალი სტილით მოჭიდავე ჭაბუკთა ნაკრების მთავარი მწვრთნელი): „ჭაბუკთა შორის საქართველოს პირველობას წლეულსაც ხაშურმა უმასპინძლა. ორდღიანი დაძაბული ორთაბრძოლების შემდეგ გამოვლინდნენ მედალოსნები, რითაც დაკომპლექტდა საქართველოს ჭაბუკთა ნაკრები. ახლა ეს ბიჭები გაივლიან საწვრთნელ შეკრებებს, იასპარეზებენ სხვადასხვა საერთაშორისო ტურნირებში და, იმედია, გაგვახარებენ ევროპისა და მსოფლიოს ჩემპიონატებზე“.

171
მკითხველის კომენტარები / 0 /
მსგავსი ამბები
რუბრიკის სხვა სიახლეები
;