ჭიდაობა. რამაზ ზოიძე ევროპის ჩემპიონია!

სტამბოლში მიმდინარე ევროპის 23-წლიანთა ევროპის ჩემპიონატზე საქართველოს ბერძნულ-რომაული სტილით მოჭიდავეთა ნაკრებმა კიდევ ორი მედალი მოიპოვა: თითო ოქრო და ბრინჯაო. ევროპის ჩემპიონი რამაზ ზოიძე (72) გახდა, მესამე პრიზიორი - დავით ჩხარტიშვილი (60). ზოიძემ ფინალში 3:2 მოუგო მასპინძელ ჯენგიზ არსლანს, ხოლო ჩხარტიშვილმა 3:3-ზე დამატებითი მაჩვენებლებით აჯობა უკრაინელ ვიქტორ პეტრიკს.

ამდენად, ჩვენმა ნაკრებმა სტამბოლში გამოსვლა 5 მედლით დაამთავრა - 3 ოქრო და 2 ბრინჯაო. კონტინენტის ჩემპიონები ასევე გახდნენ ნუგზარ წურწუმია (55) და ზვიად პატარიძე (130), ხოლო კიდევ ერთი ბრინჯაოს მედალი ლერი აბულაძემ (63) მოიპოვა.

გუნდურ ჩათვლაში ჩვენი ნაკრები 121 ქულით მესამეზე გავიდა რუსეთის (161) და თურქეთის (142) შემდეგ. ორიოდ დღეში 23-წლიანთა ევროპირველობაში თავისუფალი სტილით მოჭიდავეებიც ჩაებმებიან.

1069
მკითხველის კომენტარები / 0 /
მსგავსი ამბები
რუბრიკის სხვა სიახლეები
;