ჭიდაობა: რაჭველებისა და საგარეჯოელების ტრიუმფი

ამ დღეებში საინტერესო შეჯიბრება გაიმართა თბილისში, გლდანში მდებარე ოლიმპიური რეზერვების მზადების ეროვნულ ცენტრში - "ოლიმპიური ცენტრის ღია პირველობა", რომელშიც 2003-2005 წლებში დაბადებული თავისუფალი სტილით მოჭიდავე მოზარდები მონაწილეობდნენ.

ტურნირში საკმაოდ კარგად გამოვიდნენ რაჭველები და საგარეჯოელები, რომლებმაც ყველაზე მეტი - სამ-სამი ოქრო დაისაკუთრეს. თუმცა კახელთაგან ეს არცაა გასაკვირი. აი, რაჭველების მაგალითი კი ფრიად სასიამოვნოა.

რაჭა თანდათან ისევ ხდება აქტიური საჭიდაო ცენტრი და იბრუნებს ახლო წარსულის უცნობილეს ტრადიციებს. შედეგად, მან უკვე ეროვნულ ნაკრებსაც მისცა სოლიდური შევსება, ამჯერად კი ყურადღება ერთმა გარემოებამ მიიქცია: ონისა და ამბროლაურის ნაკრებებთან ერთად ტურნირში ამბროლაურის მუნიციპალიტეტის სოფელ ჭრებალოს გუნდიც გამოვიდა და წარმატებითაც იასპარეზა: 41 კილოგრამში ნიკოლოზ სანთელაძე ჩემპიონიც გაუხდათ, რაც კარგი სტიმული იქნება მისთვისაც და ამ სოფლის სხვა ახალგაზრდებისთვისაც.

თუმცა ჭრებალოელებს საჭიდაო ტრადიციები ისედაც აქვთ - ამ სოფლიდან არიან ეროვნული ნაკრების წევრ-კანდიდატები, ძმები ნიკა და ავთანდილ კენჭაძეებიც.

თუმცა ჭრებალო ტურნირის წარმატებული ერთადერთი სოფელი არ ყოფილა: ასევე ერთი ოქრო ირგუნა სოფელ გამარჯვების გუნდმაც, რომელსაც ეს ჯილდო მიხეილ კალაიჯიშვილმა (75) მოუტანა. თანაც, ორივე სოფელმა დამატებით კიდევ მოიპოვა თითო ბრინჯაო.

თითო-თითო უმაღლესი ხარისხის ჯილდო ყვარელმა და გორმა დაისაკუთრეს. მედალოსნებიდან ასევე გამოვარჩევთ მარტვილსაც.

38 კგ.
1. ლუკა გუგეშაშვილი (ონი); 2. საბა კობახიძე (ამბროლაური); 3. თორნიკე ასაბაშვილი (საგარეჯო), დავით ქობულაშვილი (თბილისი).
41 კგ.
1. ნიკოლოზ სანთელაძე (ჭრებალო); 2. სანდრო ყურაშვილი (თბილისი); 3. ლუკა ვანიშვილი (გორი), გიორგი ნათობიძე (რუსთავი).
44 კგ.
1. თორნიკე ჯოხაძე (ონი); 2. გიორგი გოგრიჭიანი (ამბროლაური); 3. ბეჟან ბარსონიძე (ორივე - ამბროლაური), ამირან ბეჟანიშვილი (ბოლნისი).
48 კგ.
1. გიორგი ტულაშვილი (საგარეჯო); 2. აიდანის ბადიროვი (თბილისი); 3. ლუკა შარაბიძე (ლანჩხუთი), გიორგი გოგიჩაიშვილი (ორც).
52 კგ.
1. გიგი ქურხული (საგარეჯო); 2. ილია მუკბანიანი (ხონი); 3. გიორგი უგულავა (თბილისი), ნიკა ბეჟანიშვილი (ყვარელი).
57 კგ.
1. მირზა გაჯიევი (ყვარელი, ორც); 2. აკაკი ჩიტაძე (რუსთავი); 3. თორნიკე ნაჭყებია (თბილისი), გიორგი უგულავა (მარტვილი).
63 კგ.
1. თორნიკე სამხარაძე (ონი); 2. ვანო გაგუა (ამბროლაური); 3. ილია ერაძე (გორი), ანრი სურამლიშვილი (ყვარელი).
67 კგ.
1. დავით კუჭუაშვილი (საგარეჯო); 2. ლევან თედეიშვილი (ორც); 3. გიორგი სანთელაძე (ჭრებალო), მიხეილ გობეჯიშვილი (გამარჯვება).
75 კგ.
1. მიხეილ კალაიჯიშვილი (გამარჯვება); 2. გიგა ჯაიანი (ხონი); 3. საბა ზაქრაძე, ილია სლივკოვი (ორივე - თბილისი).
85 კგ.
1. ბესიკ ბასიშვილი (გორი); 2. ნიკოლოზ ბარაბაძე (ორც); 3. თამაზ ბიგანიშვილი (რუსთავი), გიორგი გაგაძე (თბილისი).

ყოველდღიური სპორტული გაზეთი "ლელო"
1814
მკითხველის კომენტარები / 2 /
გოგი ტოლელი
0
მეც ნაღდად გამეხარდა რაჭველების წარმატება, განსაკუთრებით ჭრებალოელების.
ვატო ჯეჯორელი
0
გამიხარდა რაჭის წარმატება განსაკუთრებით ონელების :-)
მსგავსი ამბები
რუბრიკის სხვა სიახლეები
;