ჭიდაობა. საქართველოს მონაგარი: მეორე დღე და კიდევ 8 მედალი!

"გივი კარტოზია-ვახტანგ ბალავაძის მემორიალის" მეორე დღეს ჩვენმა დელეგაციამ 8 მედალი მოიპოვა: 2-2 ოქრო ვერცხლი და 3 ბრინჯაო. დღეს თავისუფალი სტილით მოჭიდავეებმა 5 ჯილდო ირგუნეს, ბერძენ-რომაელებმა - 2.

ოღონდ ეგაა, რომ ორივე ოქრო "თავისუფალთა" ნაკრების მონაგარია. ჩემპიონები ოთარ გოგავა (57) და გიორგი სულავა (74) გახდნენ. თავისუფალ ჭიდაობაში ვერცხლის მედალს თემურ ბერუაშვილი დაეუფლა, ვინც 74 კილოგრამში ფინალური პაექრობა წმინდად, 2:12 დათმო სულავასთან.

ამავე ნაკრებიდან ბრინჯაოს პრიზიორები რამაზ თურმანიძე (57) და ცოტნე აბალაკი (65) გახდნენ. ამასთან, სულავას გადაეცა ვახტანგ ბალავაძის სახელობის სპეციალური პრიზი.

ბერძნულ-რომაული სტილით მოჭიდავეთა შორის ტურნირის ვიცე-ჩემპიონი შალვა ხაჩიძე გახდა 87 კილოგრამ წონაში, მესამეზე კი ნიკა საბანაშვილი გავიდა 67 კილოგრამში.

ამდენად, ორი დღის შემდეგ ჩვენი ნაკრების მონაგარი 17 მედალია: 4-4 ოქრო-ვერცხლი და 9 ბრინჯაო. აქედან თავისუფალი სტილით მოჭიდავეთა ანგარიშზე 14 მედალია, ბერძენ-რომაელებისაზე - 3.

შეგახსენებთ, რომ გუშინ "თავისუფალთაგან" ჩემპიონები ბექა ლომთაძე (61) და ზურაბ ერბოწონაშვილი (79) გახდნენ, მეორეზე კონსტანტინე ხაბალაშვილი (70) და ირაკლი მწითური (92) გავიდნენ, ხოლო ბრინჯაოს მედლებს მიხეილ ბერძნიშვილი (61), ლევან ქელეხსაშვილი, მირზა სხულუხია (ორივე - 70), ტარიელ გაფრინდაშვილი (79) და ბექა ნადაშვილი (92) დაეუფლნენ, ხოლო ბერძენ-რომაელთაგან მესამეზე ბრინჯაო გიორგი ხუჭუამ (72) მოიპოვა.

ასევე გთავაზობთ ხვალინდელ ფინალურ წყვილებს და დადამშვიდებლის იმ ფინალებს, რომლის მონაწილენიც უკვე გარკვეულია (დანარჩენბი ხვალ, სანუგეშო წრის შეხვედრების შემდეგ გაირკვევა):

თავისუფალი ჭიდაობა

86 კგ
ფინალი: ჰაჯიმურად მაგომედსაიდოვი (აზერბაიჯანი) - გასემპურ კამრანი (ირანი)
ბრინჯაო: ბორის მაკოევი (სლოვაკეთი) - დავით ფირუზაშვილი (საქართველო)

97 კგ
ფინალი: მამუკა კორძაია (საქართველო) - მაგომედგაჯი ნუროვი (მაკედონია)
ბრინჯაო: გივი მაჭარაშვილი (საქართველო) - მარადი ვანაძე (საქართველო)

125 კგ
ფინალი გენო პეტრიაშვილი (საქართველო) - ალექსი ჟორჟოლიანი (საქართველო)
ბრინჯაო: ალექსანდრე გობეჯიშვილი (საქართველო) - გიორგი შამათავა (საქართველო)

ბერძნულ-რომაული ჭიდაობა

82 კგ
ფინალი: აივენგო რიკაძე (საქართველო) - რაფიკ ჰუსეინოვი (აზერბაიჯანი)
ბრინჯაო: თორნიკე ძამაშვილი (საქართველო) - ელვინ მურსალიევი (აზერბაიჯანი)

97 კგ
ფინალი: სარავი მოჰამადჰადი (ირანი) - ორხან ნურიევი (აზერბაიჯანი)
ბრინჯაო: ალექსი ლოდია (საქართველო) - უზურ ჯუზუპბეკოვი (ყირგიზეთი)

130 კგ
ფინალი: ლევან არაბული (საქართველო) - ნავეენ ნავენი (ინდოეთი)
ბრინჯაო: გიორგი ბარბაქაძე (საქართველო) - სულხან ბუიძე (საქართველო)

786
მკითხველის კომენტარები / 0 /
მსგავსი ამბები
რუბრიკის სხვა სიახლეები
;