ჭიდაობა. ქართველთა 4 მედალი ევროპის ჩემპიონატზე!

საქართველოს თავისუფალი სტილით მოჭიდავე ჭაბუკთა ნაკრებმა სკოპიეში მიმდინარე თანატოლთა ევროპის ჩემპიონატზე დღეს 4 მედალი მოიპოვა: 1 ვერცხლი და 3 ბრინჯაო. კონტინენტის ვიცე-ჩემპიონი დავით აბდალაძე (55) გახდა, მესამე ადგილზე კი გიორგი გეგელაშვილი (48), გიორგი ნებუნიშვილი (80) და სოლომონ მანაშვილი (110) გავიდნენ.

შეგახსენებთ, რომ გუშინ ჩვენებმა კიდევ სამი მედალი ირგუნეს - 1 ოქრო და 2 ბრინჯაო, მთლიანობაში კი გია კვინიკაძის შეგირდებმა 7 მედალი დაისაკუთრეს. ამასთან, კიდევ ორმა ბრინჯაოსთვის პაექრობა დათმო და 10-კაციანი გუნდიდან 9-მ მედლისთვის იჭიდავა.

გუშინ ევროპის ჩემპიონი ქუთაისელი ბაგრატ გაგნიძე (71) გახდა, ხოლო ბრინჯაოს მედლებს გიორგი ჭოლაძე (51) და ვლადიმერ გამყრელიძე (60) დაეუფლნენ.

350
მკითხველის კომენტარები / 0 /
რუბრიკის სხვა სიახლეები