ჭორი თუ მართალი? კვირკველია სიტის დაუკავშირეს

ინტერნეტსაიტი Squawka საქართველოს ნაკრების ერთ-ერთ ლიდერს, ჩვენი ქვეყნის საუკეთესო ფეხბურთელ საბა კვირკველიას, არც მეტი, არც ნაკლები, ინგლისური პრემიერლიგის ლიდერს, "მანჩესტერ სიტის" უკავშირებს.

პეპ გვარდიოლას ზამთრის სატრანსფერო ფანჯრის გახსნის შემდეგ ერთი ცენტრალური მცველის დამატება სურს და კანდიდატებს შორის, ზემოხსენებული საიტის ცნობით, კვირკველიაცაა.

"ზოგადად, საქართველო ცნობილია ტექნიკური ფეხბურთელებით, მაგრამ ახლა ჩვენ ვწერთ "სიტის" შესაძლო შენაძენზე, ცენტრალურ მცველზე, რომელიც ერთ-ერთი საუკეთესოა რუსულ პრემიერლიგაში.

"ლოკომოტოვი" 7-ქულიანი უპირატესობით ლიდერობს რუსეთში და ამაში დიდი წვლილი აქვს ლამის ორმეტრიან ქართველსაც. "სიტის" შეუძლია, დაიმატოს ფეხბურთელი, რომელიც საჰაერო ორთაბრძოლებში დომინანტი იქნება.

კვირკველია 25 წლისაა. მისი სატრანსფერო ფასი მისაღები უნდა იყოს ინგლისური კლუბისთვის. მიმდინარე რუსულ პრემიერლიგაში კვირკველიამ 3 გოლი შეაგდო, საქართველოს ნაკრებში კი 26 მატჩი ჩაატარა", - წერს საიტი.

აქვე ვთქვათ, რომ კვირკველია საინტერესო ფეხბურთელია "ვესტ ბრომვიჩისა" და "ლესტერისთვის". ამ საკითხთან დაკავშირებით კომენტარი გააკეთა "ლოკომოტივის" მთავარმა მწვრთნელმა იური სიომინმა:

"ჩვენ რუსეთის ჩემპიონობისთვის ვიბრძვით და ასეთ დროს მართებული არ იქნება წამყვანი ფეხბურთელების გაშვება.

დარწმუნებული ბრძანდებოდეთ, როცა "ლოკომოტივი" რამეს მოიგებს, კვირკველიას უფრო უკეთესი კლუბებისგან ექნება წინადადებები, ვიდრე "ლესტერი" და "ვესტ ბრომვიჩია", - თქვა სიომინმა.

ყოველდღიური სპორტული გაზეთი "ლელო"
1706
მკითხველის კომენტარები / 0 /
მსგავსი ამბები
რუბრიკის სხვა სიახლეები
;