ჭრიკიშვილი, ტატალაშვილი და... ბაქოში ქალებიც გვეყოლება

ბაქოში, ძიუდოისტთა "დიდ მუზარადზე" ორი მონაწილე ქალებშიც გვეყოლება - მარიამ მახარაშვილი (48) და ტატიანა ლევიცკა-შუკვანი (52), რომლებიც იქ თავისი ხარჯით წავიდნენ. მახარაშვილი 48 კილოგრამში კია დარეგისტრირებული, თუმცა როგორც ქალთა ნაკრების მთავარი მწვრთნელი გია თენაძე ამბობს, შეიძლება, 52-ში გამოვიდეს, რადგან ისედაც ამ წონაში სურს გადასვლა. ოღონდ უკვე რამდენად მოასწრებს განაცხადის შეცვლას და 52-ში გადასვლას, ვერ გეტყვით.

შეგახსენებთ, რომ ბაქოში ჩვენგან ვაჟთა ნაკრებიც გამოვა, ოღონდ - არასრული შემადგენლობით: 66 კილოგრამში არ გვეყოლება მონაწილე, თუმცა ვაჟთა ნაკრების მთავარი მწვრთნელი ნოდარ მეტრეველი ორკაციან კვოტას სრულად არც სხვა წონებში იყენებს, მხოლოდ 11 შეგირდი მიჰყავს. ჩვენი გუნდები უკვე გაემგზავრნენ ბაქოში, სადაც შეჯიბრება 10-12 მაისს ტარდება. პირველ დღეს ვაჟთაგან 60 და 66 კილოგრამების ფალავნები იჭიდავებენ. იმავე დღეს იასპარეზებენ ჩვენი ქალებიც. 11-ში ტატამზე ვაჟთაგან 73-81 კილოგრამების ფალავნები გავლენ, ხოლო 90, 100 და მძიმე წონების წარმომადგენლები შეჯიბრებაში 12 მაისს ჩაებმებიან.

ვაჟთა ნაკრები
60 კგ. ჯაბა პაპინაშვილი, თემურ ნოზაძე
73 კგ. ბექა შავდათუაშვილი
81 კგ. ნუგარ ტატალაშვილი, ტატო გრიგალაშვილი
90 კგ. ავთანდილ ჭრიკიშვილი, ლაშა ბექაური
100 კგ. ონისე სანებლიძე, გიორგი ბერიაშვილი
+100 კგ. გელა ზაალიშვილი, გიორგი ზაქარიაძე

1394
მკითხველის კომენტარები / 0 /
მსგავსი ამბები
რუბრიკის სხვა სიახლეები
;