ხამეს როდრიგესი - ღვთის საჩუქარი ბაიერნისთვის

კოლუმბიელმა უკანასკნელი მატჩი მაინცის წინააღმდეგ შესანიშნავად ჩაატარა სადაც გოლის გატანა და საგოლე გადაცემის შესრულებაც შეძლო. აღნიშნული შეხვედრა მიუნხენის "ბაიერნმა" 2:0 მოიგო. ხამესმა ასეთი თამაშის გამო გუნდის მთავარი მწვრთნელისგან ქება დაიმსახურა.

თავისუფლად შეგვიძლია ვთქვათ, რომ ხამესი იუპ ჰაინკესის ფავორიტი ნახევარმცველია. მიმდინარე სეზონში 26 წლის ფეხბურთელმა ჩატარებული 12 თამაშიდან 11 ძირითად შემადგენლობაში დაიწყო და საერთო ჯამში 939 წუთი ითამაშა.

"მისი დღევანდელი ფორმა და ის თუ როგორ ინტეგრირებულია გუნდთან, ხამესი ნამდვილად ღვთის გამოგზავნილია მიუნხენის "ბაიერნისთვის"- განაცხადა ჰაინკესმა წინასამატჩო პრესკომფერენციაზე.

"რეალში" ის არ იღებდა იმ დროს, რომელსაც მისი კალიბრის მოთამაშეები უნდა ღებულობდნენ. შენ გრძნობა გაგიჩნდება თითქოს ის ბედნიერია, აქ, მიუნხენში, რადგან ნამდვილად არაა მარტივი შეეგუო ახალ ქვეყანას, კულტურას, ენას და ცხოვრების სტილს"

"ის კარგად თამაშობს, მაგრამ უკეთესად თამაში შეუძლია. მე მასთან პირადად ვისაუბრე თუ, რა მხრივ შეუძლია საკუთარი თამაშის განვითარება" - დასძინა ლეგენდარულმა გერმანელმა მწვრთნელმა.

ხამესის ანგარიშზე დღეს 4 გოლი და 6 შედეგიანი გადაცემაა (ბუნდესლიგაში) , რითიც ის გუნდის რიგემშე მესამე ყველაზე პროდუქტიული მოთამაშეა, ჩამორჩება თომას მიულერს (4 გოლი 7 გადაცემა) და რობერტ ლევანდოვსკის (18 გოლი 1 გადაცემა ).

კოლუმბიელი შემდეგ თამაშს "ბადერბორნის" წინააღმდეგ ჩაატარებს, სამშაბათს, გერმანიის თასის ფარგლებში.

954
მკითხველის კომენტარები / 0 /
მსგავსი ამბები
რუბრიკის სხვა სიახლეები
;