ხატისკაცის და კაციაშვილის გამარჯვება მეტეხში

მსოფლიოს ჩემპიონი სამბოში იოსებ მაღალაშვილი კასპის რაიონის სოფელ მეტეხის მკვიდრია. იგი 70-იან წლებში ერთ-ერთი ყველაზე წარმატებული ქართველი სამბისტი გახლდათ. მანაც, ისევე როგორც ბევრმა ქართველმა ძიუდოისტმა და სამბისტმა პირველი ნაბიჯები სპორტში ჩვენს ეროვნულ საჭიდაო სახეობაში გადადგა. მაღალაშვილი ნახერხმოყრილ არენაზე სპორტსმენის აქტიური კარიერისასაც ასპარეზობდა. 

მისი სახელობის ტურნირს, ბატონი იოსების დაბადების დღეზე 2 სექტემბერს, მშობლიურ სოფელ მეტეხში არაერთი წელიწადია რაც ატარებს საქართველოს ქართული ჭიდაობის ეროვნული ფედერაცია.

მეტეხის არენამ ამჯერადაც უმასპინძლა იოსებ მაღალაშვილის სახელობის ტურნირს და აქ კვლავ შეიკრიბნენ სპორტსმენები ჩვენი ქვეყნის სხვადასხვა რეგიონიდან.  

გამარჯვებულები გამოვლინდნენ 4 წონით კატეგორიაში.

კიდევ ერთი ტურნირი ჩაატარა წარმატებით საქართველოს აბსოლუტურმა ფალავანმა კასპელმა გიორგი კაციაშვილმა (80 კგ).

60 და 70 კგ-ში გიორგი ხუციშვილს და დავით კოპაძეს ვერავინ აჯობა, მძიმე წონაში კი გორელი ბადრი ხატისკაცი იყო საუკეთესო. ხატისკაცი იმითაცაა გამორჩეული, რომ ქართულ ჭიდაობასთან ერთად სამბოსა და ძიუდოში აქვს მიღწეული წარმატებები და სუმოშიც გახლავთ რამდენიმე გზის ევროპის ჩემპიონატების მედალოსანი.

კვარცხლბეკი:

60 კგ. 1. გიორგი ხუციშვილი, 2. გურამ ზაქუტაშვილი, ვალერი მღებრიშვილი

70 კგ. 1. დათო კოპაძე, 2. შალვა გაზაშვილი, 3. ზვიად ოდოშაშვილი

80 კგ. 1. გიორგი კაციაშვილი, 2. ტატო ტატულაშვილი, 3. ზვიად ბაზანდარაშვილი

+80 კგ. 1. ბადრი ხატისკაცი, 2. ზვიად ბაზანდარაშვილი, 3. ბექა მიქუტიშვილი 

ფოტოზე: 80 კგ-ის დაჯილდოება. 

941
მკითხველის კომენტარები / 0 /
მსგავსი ამბები
რუბრიკის სხვა სიახლეები
;