ხელბურთი: აღმოსავლეთში პეგასი, დასავლეთში სამტრედია

გასულ უქმეებზე 2002-2003 წლებში დაბადებულ საქართველოს ხელბურთელ ვაჟთა ჩემპიონატის მესამე წრის პირველი ეტაპის პაექრობები გაიმართა აღმოსავლეთისა და დასავლეთის გუნდებისთვის. ისინი ჯერ რეგიონული პირველობისთვის იბრძვიან, მაისში კი 4-4 საუკეთესო გუნდი ფინალურ ტურნირში გამოავლენს საქართველოს ჩემპიონსა და პრიზიორებს.

სასპორტო კომპლექს "არენაში" აღმოსავლელებმა მოიყარეს თავი. აქ ჩემპიონმა "პეგასმა" მორიგი 2 მატჩი მოიგო და 28 ქულით უდანაკარგოდ ლიდერობს. "ქარიშხალა" და "ყვარელი" დარჩენილ მატჩებში მეორე-მესამე ადგილებისთვის იბრძოლებენ, ხოლო ფინალის მეოთხე საგზურს ერთმანეთს ეცილებიან "თელავი", "რუსთავი", "გორი" და "ქარელი".

მესამე წრე. "რუსთავი"-" გორი" 9:14, "პეგასი"-"ყვარელი" 24:7, "ქარიშხალა"-"თელავი" 27:21, "გორი"-"პეგასი" 15:33, "ყვარელი"-"ქარელი" 25:13. მორიგი მატჩები აქ 17 მარტს გაიმართება.

თ მ ფ წ ბ ქ
პეგასი 14 14 0 0 421-167 28
ქარიშხალა 13 10 0 3 304-272 20
ყვარელი 14 9 1 4 283-251 19
თელავი 13 4 1 8 264-304 9
რუსთავი 13 4 0 9 240-323 8
გორი 14 3 0 11 210-318 6
ქარელი 13 2 0 11 260-347 4

დასავლეთის ზონის წარმომადგენლებმა ზესტაფონს მიაშურეს. იქაც ლიდერმა "სამტრედიამ" ორი მატჩი მოიგო და 22 ქულით მეწინავეობს. პრინციპულ შეხვედრაში ბათუმის "შავი ზღვის ბიჭებმა" აჭარის გუნდი დაამარცხა და მეორე ადგილზე დამკვიდრდა. ფინალური ეტაპის მეოთხე საგზურის მაძიებლების - "ფოთისა" და "ქუთაისის" დუელი ზავით დასრულდა.

ზესტაფონი: "სამტრედია"-"ფოთი" 17:13, "ბათუმი"-"აჭარა" 21:19, "სამტრედია"-"ხელვაჩაური" 31:19, "ფოთი"-"ქუთაისი" 26:26. 18 მარტს დასავლეთის ექვსეული ტურნირს ხელვაჩაურის დარბაზში გააგრძელებს.

თ მ ფ წ ბ ქ
სამტრედია 12 10 2 0 286-193 22
ბათუმი 11 8 2 1 271-204 18
აჭარა 11 7 0 4 286-238 14
ფოთი 12 3 1 8 250-273 6
ქუთაისი 11 3 1 7 219-326 6
ხელვაჩაური 11 0 0 11 244-322 0

რეგიონული ეტაპები დასავლეთში 15, ხოლო აღმოსავლეთში 28 აპრილს დასრულდება.

839
მკითხველის კომენტარები / 0 /
მსგავსი ამბები
რუბრიკის სხვა სიახლეები
;