ხელბურთი. ბათუმმა ზავით ლიდერობა შეინარჩუნა

საქართველოს ხელბურთელ ვაჟთა 2017-2018 წლების ეროვნულ ჩემპიონატში მეორე წრე დასრულდა.

ბოლო ტურში დიდ ინტერესს იწვევდა ლიდერების - ბათუმის "შავი ზღვის ბიჭებისა" და ქვეყნის ჩემპიონის - თელავის "იმედის" შეხვედრა. ზღვისპირელები ზავის ან მოგების შემთხვევაში გათამაშების ცხრილის სათავეში შეინარჩუნებდნენ ადგილს, თელაველებს კი საამისოდ მხოლოდ გამარჯვება სჭირდებოდათ.

მატჩი, რომელიც ერთობ დაძაბული და დრამატული გამოდგა, თავიდანვე ჩემპიონების იერიშებით დაიწყო და მალე ისინი სამი ბურთითაც დაწინაურდნენ.

რამდენიმე წუთში ბათუმელებმა წონასწორობა აღადგინეს და წინაც გავიდნენ. ტაიმი ერთი ბურთის სხვაობითაც მოიგეს - 14:13. ასევე დაძაბული გამოდგა პაექრობის მეორე ნახევარი.

საფინალო სასტვენამდე 22 წამით ადრე "შავი ზღვის ბიჭებმა" ანგარიში გაქვითა. დარჩენილ დროში თელაველებმა გამარჯვების გოლის გატანა ვერ შეძლეს.
სხვა პაექრობებში ფავორიტებს მორიგი ორ-ორი ქულის მოპოვება არ გასჭირვებიათ.

სტუ-ქუთაისი 33:41

სტუ: ხანდოლიშვილი, ხიდეშელი, გ. კობახიძე- 8, ასაბაშვილი- 8, მამულაშვილი- 7, ეძგვერაძე- 5, თიგიშვილი- 4, ჩიკვილაძე- 1, გურასპაული.

ქუთასი: ანდრიაძე, მაისურაძე, სიმონია- 11, გოგალაძე- 7, რუსტამოვი- 7, კბილაშვილი- 5, გამზარდია- 5, გრიშიკაშვილი- 4, კობახიძე- 1, ლომიძე- 1, ჭელიძე, მერკვილაძე, მათნაძე, ფერაძე.

პეგასი-სამტრედია 42:31

პეგასი: დიხამინჯია, გორგოძიანი, ცირეკიძე, ლაპიაშვილი- 13, კალანდაძე- 11, კუხალაშვილი- 9, გვაზავა- 5, დ. ჟვანია- 3, ჭანტურია- 1, ტაბატაძე, შუბითიძე.

სამტრედია: შველიძე, გაგუა- 18, მანაგაძე- 4, ძნელაძე- 4, ადამია- 2, ხელისუფალი- 2, თევზაძე- 1, ნადირაძე.

იმედი-ბათუმი 29:29
თელავი: ცინცაძე, გიორგაძე- 11, ცისკარიშვილი- 5, ალანია- 4, ყორიაული- 3, მიქავა 2, აბჟანდაძე- 2, ბაინაზიშვილი- 1, იობაშვილი- 1, დოლმაზაშვილი, ბერაძე.

ბათუმი: ტორონჯაძე, ცერცვაძე, გოგოლაძე- 7, სტურუა- 7, სურმავა- 5, თევზაძე- 5, ხაჟომია- 2, წივწივაძე- 2, აბრამიშვილი- 1, ბერძენიშვილი, ყაველაშვილი.

წყალტუბო-გორი 37:40

წყალტუბო: სილაგაძე, აფხაძე, ხელაძე- 9, მ. გველესიანი- 7, გელა გველესიანი- 7, მეტონიძე- 4, ჯიმშელეიშვილი- 3, გიორგაძე- 3, შვანგირაძე- 2, გიორგი გველესიანი- 2, კუხალაშვილი, ჩაკვეტაძე.

გორი: ვათიაშვილი, თითირაშვილი, გაგლოშვილი- 10, ტიელიძე- 10, მჭედლიშვილი- 9, ზუბიაშვილი- 6, დალაქიშვილი- 3, ანტონოვიჩი- 2, ახალბედაშვილი, ტერუნაშვილი.

თ მ ფ წ ბ ქ
ბათუმი 14 12 2 0 533-399 26
იმედი 14 12 1 1 471-385 25
ქუთაისი 14 10 1 3 514-408 21
პეგასი 14 8 0 6 522-481 16
გორი 14 6 0 8 475-524 12
სტუ 14 4 0 10 427-540 8
წყალტუბო 14 2 0 12 410-537 4
სამტრედია 14 0 0 14 357-535 0

III წრე 21-23 მარტს ტყიბულში და 27-29 მარტს თბილისში გაიმართება.

ყოველდღიური სპორტული გაზეთი "ლელო"
792
მკითხველის კომენტარები / 0 /
მსგავსი ამბები
რუბრიკის სხვა სიახლეები
;