ხელბურთი. თეიმურაზ ორჯონიკიძის 11 გოლი რაბოტნიჩკისთან

საქართველოს ხელბურთელ ვაჟთა ნაკრების ცხრა წევრი უცხოურ კლუბებში თამაშობს. ბოლო ორი კვირის განმავლობაში ზოგიერთმა მათგანმა რამდენიმე შეხვედრა ჩაატარა.

მაკედონიაში სამი ჩვენებური გამოდის. ჩემპიონატის ლიდერ "პელისტერის" სპორტულ ღირსებას თეიმურაზ ორჯონიკიძე და რევაზ ჭანტურია იცავენ. ქართველთა გუნდმა მაკედონიელთა გრანდ "ვარდარის" ჭაბუკებს 34:23 მოუგეს. 5-5 გოლი ჩვენების ანგარიშზეა.

მომდევნო ტურში "პელისტერმა" სტუმრად "რაბოტნიკი" დაამარცხა 25:17. გამარჯვებულთაგან ორჯონიკიძე 11 გოლით გამოირჩა, ჭანტურია - სამით. ახალ სეზონში "რაბოტნიკს" შეუერთდა ჩვენი ნაკრების წევრი რატი მსხვილიძე, რომელმაც განვლილ ტურში ლიდერს ერთი ბურთი გაუტანა.

შვიდი ტურის შემდეგ ექვსი მოგებითა და 18 ქულით პირველ ადგილზე "პელისტერი", მას 2-2 ქულით "ოჰრიდი" და "სკოპიე" ჩამორჩებიან. ფინალურ ეტაპზე გამსვლელი მეოთხე ადგილი 13 ქულით "რაბოტნიკს" უკავია.

ირაკლი ჩიქოვანი რუმინეთის "დუნარეა კელერაშში" თამაშობს. ბოლო 12 დღის განმავლობაში მისმა გუნდმა 4 მატჩი გამართა, საიდანაც 2 მოიგო და ამდენივე დათმო. საგულისხმოა, რომ ჩიქოვანმა და მისმა თანაგუნდელებმა შინ ერთპიროვნულ ლიდერ "სტიაუას" სძლიეს 24:23. ქართველმა ხელბურთელმა მხოლოდ ერთხელ გამოიჩინა თავი.

სამაგიეროდ, შინ "ვასლუსთან", რომელიც 29:26 დაამარცხეს, ჩვენებურმა რვა გოლი მიითვალა. "კელერაშმა" ორი გასვლითი პაექრობა წააგო - "ბაია მარესა" (22:25) და გუშინ "კოსტანცასთან" (20:21). ჩიქოვანმა ამ ორ შეხვედრაში 7 ბურთი გაიტანა. 11 ტურის შემდეგ 19 ქულით "კელერაში" მე-6 ადგილზეა.

ყოველდღიური სპორტული გაზეთი "ლელო"
919
მკითხველის კომენტარები / 0 /
მსგავსი ამბები
რუბრიკის სხვა სიახლეები
;