[ხელბურთი. ლეგიონერები] ჩოხელი მაკედონიაში, არსენაშვილი პორტუგალიაში

საქართველოს ხელბურთელ ქალთა ნაკრების წევრი მედეა ჩოხელი წარმატებით თამაშობს მაკედონიურ „კუმანოვოში“, რომელიც ამ ქვეყნის შარშანდელი ჩემპიონატის ვერცხლის პრიზიორია. ჩვენებურმა როგორც შიდა პირველობაში, ასევე, ბალკანეთის ქალთა ლიგაშიც გამოიჩინა თავი.

წლეულს მაკედონიის ჩემპიონატში ორი გუნდია დაუმარცხებელი - შარშანდელი ჩემპიონი სკოპიეს „მეტალურგი“ და „კუმანოვო“. „მეტალურგმა“ შვიდიდან ყველა მატჩი მოიგო,  კუმანოვოს ერთი მატჩით ნაკლები აქვს გამართული და 18 ქულას მოუყარა თავი. ამ ექვს თამაშში ჩოხელმა მეტოქეთა კარში 25 ბურთი შეაგდო. 6-6 პაექრობიდან 15-15 ქულით მესამე-მეოთხე ადგილებს „ვარდარი“ და ჩაირი“ ინაწილებენ.

„კუმანოვომ“ ბალკანეთის ლიგაზე ორ ორთაბრძოლაში უკვე გაიმარჯვა: ჯერ „რუდარი“ დაამარცხა - 29:20  (ქართველმა 6 გოლი მიითვალა), მეორე შეხვედრაში კი „ზაეჩარს“ 32:25 აჯობა. ჩოხელი კვლავ საუკეთესოთა შორის იყო და 5 გოლით გამოირჩა. ბოლო მატჩში ბოსნიურ კლუბ „გრუდესთან“ წარმატების შემთხვევაში „კუმანოვო“ ფინალში გავა და A ჯგუფის გამარჯვებულს შეხვდება.

*   *   *

ერეკლე არსენაშვილი საქართველოს ხელბურთელ ვაჟთა ნაკრების წევრია. იგი წლეულს გადავიდა პორტუგალიის „ბრაგაში“, მაგრამ უკვე კლუბში მოწინავე პოზიციები უკავია -  წარმატებით თამაშობს ქვეყნის ჩემპიონატში. ბოლო ტურში მისმა გუნდმა „ბოავიშტას“ 32:29 აჯობა და საჩემპიონო პლეი ოფში გამსვლელ მე-6 ადგილზეა.

არსენაშვილმა ამ მატჩში 5 გოლი გაიტანა, ისევე, როგორც წინა შეხვედრაში სტუმრად „მადეირასთან“. სულ ქართველს 9 მატჩში 30 გოლი აქვს, გარდა ამისა, ჩვენებური მოწინავეთა შორისაა მარგი ქმედების კოეფიციენტის მიხედვით. ხელბურთში ამ მაჩვენებელს მხოლოდ პორტუგალიის ჩემპიონატში ითვლიან. 9 ტურის შემდეგ ერეკლეს ჯამური კოეფიცინტია 37.20, რაც საუკეთესო შედეგია „ბრაგას“ მოთამაშეებს შორის.

78
მკითხველის კომენტარები / 0 /
მსგავსი ამბები
რუბრიკის სხვა სიახლეები
;