[ხელბურთი. ლეგიონერი] ცხოვრებაძის გოლები საფრანგეთის თასზე

გიორგი ცხოვრებაძემ 3 გოლი გაიტანა საფრანგეთის თასის მერვედფინალში, რომელშიც მისმა გუნდმა, „მონპელიემ“ 36:15 დამარცხა სელესტადი და მეოთხედფინალში გავიდა.

კლუბის ვებგვერდი ასე გამოეხმაურა ქართველი ხელბურთელის თამაშს: 43-ე წუთი სიმბოლური იყო. მონპელიე წინ იყო 26-12 და პატრის კანაიემ მოედანზე კაპიტან ვალონტან პორტის ნაცვლად  ახალგაზრდა ტალანტი, ცხოვრებაძე შეუშვა. ცაციამ თავისი პირველი გოლი 46-ე წუთზე შვიდმეტრიანიდან გაიტანა, თუმცა, ორი წუთის შემდეგ მეორე ააცილა. ცხოვრებაძემ კიდევ ორი გოლი თამაშიდან შეაგდო“.

ჯამში, 19 წლის ქართველის 5 დარტყმიდან 3 შედეგიანი იყო, მონპელიე კი თასის მეოთხედფინალშია.  ცხოვრებაძემ წინა სათასო მატჩში, მეთექვსმეტედფინალშიც გამოიჩნა თავი, როცა „ანესის“ 5 გოლი გაუტანა.

„მონპელიეს“ შემდეგ კვირაში ორი მატჩი აქვს: 6 თებერვალს, საფრანგეთის ჩემპიონატში „ივრის“ სტუმრობს, 8 თებერვალს კი ჩემპიონთა ლიგის მატჩში უმასპინძლებს პოლონეთის „კელცეს“.

382
მკითხველის კომენტარები / 0 /
მსგავსი ამბები
რუბრიკის სხვა სიახლეები
;