ხელბურთი. პეგასი და სამტრედია ისევ პირველობენ

გრძელდება საქართველოს 17-წლამდელ ხელბურთელ ვაჟთა 2018-2019 წლების ჩემპიონატი, რომელშიც 15 გუნდი მონაწილეობს.

სასპორტო კომპლექს „არენასა“ და ქუთაისის სპორტის სასახლეში მორიგი ორი ტურის პაექრობები გაიმართა. აღმოსავლეთში კვლავ უდანაკარგოდ განაგრძობს ლიდერობას თბილისის „პეგასი“, რომელმაც თერთმეტივე მატჩი მოიგო. 16 ქულით მეორე ადგილზეა „ყვარელი“, მაგრამ მას ორი შეხვედრა მარაგში აქვს. ასე რომ, აქ პირველობისთვის ბრძოლა ჯერ კიდევ წინ არის.

მსგავსი მდგომარეობაა დასავლეთ ზონაში. აქ უწინდებურად მეწინავეობს „სამტრედია“, რომელმაც ცხრა ტურში მხოლოდ ერთი შეხვედრა დაამთავრა ფრედ. აუტსაიდერთა შორის მყოფმა „ქუთაისმა“ მე-8 ტურში მედგარი წინააღმდეგობა გაუწია ლიდერებს, 17-წლამდელთა ნაკრების კანდიდატმა აბულაძემ 14 გოლიც კი გაიტანა, მაგრამ მასპინძლებს მიზნის მისაღწევად ეს მაინც არ ეყოთ და ორი ბურთის სხვაობით დამარცხდნენ.

ასევე, ორბურთიანი სხვაობით აჯობა ფოთის „ოროს ვერძმა“ ბათუმის „შავი ზღვის ბიჭებს“. გამარჯვებულთა შორის 9 გოლით საუკეთესო იყო ფანცულაია, ბათუმელთაგან 8 გოლი კახაძემ გაიტანა. ამ მოგებით ფოთელები გათამაშების ცხრილში „შავი ზღვის ბიჭებს“ მიუახლოვდნენ, მით უმეტეს, რომ „ოქროს ვერძთან“ წაგების შემდეგ ბათუმელებმა ძალების სრული მობილიზება ვერ შეძლეს და „ხელვაჩაურს“ დაუზავდნენ.

აღმოსავლეთი. სასპორტო კომპლექსი „არენა“. „გორი“-“ქარელი“ 18:23, „ყვარელი“-“ქარიშხალა“ 16:12, „პეგასი“-“თელავი“ 40:12, „ქარიშხალა“-“რუსთავი“ 25:24, „პეგასი“-“ქარელი“ 10:0, „რუსთავი“-“ლაგოდეხი“ 10:0.

თ მ ფ წ ბ ქ
პეგასი 11 11 0 0 264:82 22
ყვარელი 9 8 0 1 202:100 16
რუსთავი 11 7 0 4 263:242 14
ქარიშხალა 10 5 0 5 195:212 10
ქარელი 11 5 0 6 188:211 10
გორი 9 3 0 6 146:187 6
ლაგოდეხი 10 1 0 9 65:167 2
თელავი 9 0 0 9 121:243 0

დასავლეთი. ქუთაისის სპორტის სასახლე. „ქუთაისი“-“სამტრედია“ 23:25, „ბათუმი“-“ფოთი“ 19:21, „წყალტუბო“-“სამტრედია“ 12:35, „ბათუმი“-“ხელვაჩაური“ 30:30

თ მ ფ წ ბ ქ
სამტრედია 9 8 1 0 281:169 17
აჭარა 8 6 1 1 231:193 13
ბათუმი 9 5 1 3 218:200 11
ფოთი 8 4 0 4 166:168 8
ხელვაჩაური 9 2 2 5 201:222 6
ქუთაისი 8 2 1 5 168:149 5
წყალტუბო 9 0 0 9 104:268 0

ყოველდღიური სპორტული გაზეთი "ლელო"
447
მკითხველის კომენტარები / 0 /
მსგავსი ამბები
რუბრიკის სხვა სიახლეები
;