ხელბურთი. პეგასი მეოთხეზე დამკვიდრდა

სასპორტო კომპლექს "არენაში" დამთავრდა საქართველოს ხელბურთელ ვაჟთა ეროვნული ჩემპიონატის მეორე წრის სამი ტურის პაექრობები აღმოსავლეთის ზონის გუნდებისთვის.

ასპარეზობის დასკვნით დღეს ქვეყნის ჩემპიონმა თელავის "იმედმა" ათი ბურთის სხვაობით სძლია სტუ-"ქარიშხალას" და ერთპიროვნულ ლიდერს - ბათუმის "შავი ზღვის ბიჭებს" მხოლოდ ქულით ჩამორჩება.

პრინციპული ორთაბრძოლა ჰქონდათ თბილისის "პეგასსა" და "გორს", რომლებიც მედლებისთვის მებრძოლთა ფინალურ ოთხეულში მოსახვედრად ეცილებიან ერთმანეთს.

"პეგასმა" პირველი ტაიმი 22:17 მოიგო, მაგრამ შესვენების შემდეგ გორელები გააქტიურდნენ, საფინალო სასტვენამდე ცოტა ხნით ადრე მოედანზე დაბრუნდა მათი ტრავმირებული ლიდერი გაგლოშვილი და ორი ზუსტი დარტყმით ანგარიშში სხვაობა მინიმუმამდე შეამცირა.

გორელთა მორიგი იერიშისას არბიტრებმა ტიელიძე დააჯარიმეს, რასაც დალაქიშვილის უკმაყოფილება მოჰყვა. მსაჯებმა მას წითელი ბარათი უჩვენეს. პეგასელმა მარჯვენა შუამარბმა კუხალაშვილმა ბოლო წუთზე ორი გოლი გაიტანა და საკუთარ გუნდს გამარჯვება მოუტანა.

"პეგასმა" 4 ქულით გაუსწრო "გორს" და პოზიცია განიმტკიცა, თუმცა ეს ჯერ კიდევ არ ნიშნავს, რომ დედაქალაქელებს თავი ქუდში აქვთ - ჩემპიონატის ბოლომდე 11 ტურია დარჩენილი.

იმედი -სტუ 30:20

იმედი: ცინცაძე, ხარაიშვილი, ყორიაული- 11, აბჟანდაძე- 6, ალანია- 5, მიქავა- 5, ცისკარიშვილი- 1, გავაშელიშვილი- 1, ერისთავი- 1, ბაინაზიშვილი, იობაშვილი, კორსანტია, გოდელაშვილი, გულდედავა, ბერაძე.

სტუ: ხანდოლიშვილი, ხიდეშელი, ასაბაშვილი- 8, მამულაშვილი- 6, ჯინჭარაძე- 4, გურასპაული- 2, ჩიკვილაძე, თიგიშვილი, ეძგვერაძე, ბარკალაია.

პეგასი - გორი 42:40

პეგასი: ი. დიხამინჯია, კუხალაშვილი- 12, კალანდაძე- 12, ქათამაძე- 6, ზარნაძე- 5, ლაპიაშვილი- 4, კაკაბაძე- 3.

გორი: ვათიაშვილი, თითირაშვილი, ტიელიძე- 13, გაგლოშვილი- 8, მჭედლიშვილი- 8, დალაქიშვილი- 6, ზუბიაშვილი- 2, ახალბედაშვილი- 2, ნიაზაშვილი- 1.

თ მ ფ წ ბ ქ
ბათუმი 10 9 1 0 376:273 19
იმედი 10 9 0 1 329:278 18
ქუთაისი 10 7 1 2 358:275 15
პეგასი 10 6 0 4 373:339 12
გორი 10 4 0 6 333:367 8
სტუ 10 2 0 8 291:317 4
წყალტუბო 10 2 0 8 299:391 4
სამტრედია 10 0 0 10 252:371 0

6-9 მარტს უმაღლესი ლიგის რვავე გუნდი თბილისში შეიკრიბება და მეორე წრის დარჩენილი ოთხი ტურის მატჩები ჩატარდება
21-23 მარტი: მესამე წრე, აღმოსავლეთის ზონის სამი ტური;
28-30 მარტი: მესამე წრე, დასავლეთის ზონის სამი ტური;

17-20 აპრილი: მესამე წრის საერთო ტური, რომლის შემდეგაც გამოვლინდება ოთხი საუკეთესო გუნდი. ისინი 8 მაისს ნახევარფინალურ, 9 მაისს კი ფინალურ პაექრობებს გამართავენ.

ყოველდღიური სპორტული გაზეთი "ლელო"
884
მკითხველის კომენტარები / 0 /
მსგავსი ამბები
რუბრიკის სხვა სიახლეები
;