ხელბურთი. 'პეგასმა' ყველას აჯობა

საქართველოს ხელბურთელ ვაჟთა 2018-2019 წლების ეროვნულ ჩემპიონატში პაექრობები დაამთავრეს აღმოსავლეთის ზონის გუნდებმა.

გუშინ სასპორტო კომპლექს "არენაში" მე-3 ტურის შეხვედრები გაიმართა. ინტერესს იწვევდა ლიდერების - 2018 წლის საქართველოს თასის მფლობელი თბილისის "პეგასისა" და 2017 წლის ჩემპიონ თელავის "იმედი"-სტუ-ს გაერთიანებული გუნდის შეხვედრა.

ორი ტურის შემდეგ ისინი პირველ-მეორე ადგილებს უდანაკარგოდ იყოფდნენ. პეგასელებს ტრავმის გამო ლაპიაშვილი, ხოლო თელაველებს იობაშვილი, გიორგაძე და მიქავა აკლდათ. ლაპიაშვილი სრულფასოვნად შეცვალა ვეტერანმა შოთა გრიშიკაშვილმა. მისი და ნიკოლოზ კალანდაძის კარგი თამაშის წყალობით "პეგასმა" მატჩში გარდამტეხ უპირატესობას მიაღწია და საბოლოოდ 12-ბურთიანი სხვაობით გაიმარჯვა.

აუტსაიდერების - "გორისა" და სპორტის უნივერსიტეტის "სპორტუნის" დაპირისპირებისას პირველი ტაიმი თანაბარ ბრძოლაში მიილია და ფრედ - 20:20 დასრულდა. შესვენების შემდეგ გორელებმა ხელთ იგდეს თამაშის სადავეები და ეროვნული ჩემპიონატის დებიუტანტს 10 ბურთის სხვაობით აჯობეს. წაგებულთაგან გოლების თითქმის ნახევარი - 19 ბურთი იობაშვილმა გაიტანა.

გორი-სპორტუნი 49:39
გორი: თითირაშვილი, ახალბედაშვილი - 11, დალაქიშვილი - 11, მჭედლიშვილი - 10, ზუბიაშვილი - 6, ტარუაშვილი - 5, გუდურაშვილი - 5, მურადაშვილი - 1, ხუბულური.
სპორტუნი: ხარაიშვილი, იობაშვილი - 19, ჩაკვეტაძე - 5, ჩიკვილაძე - 5, აბაშიძე - 4, გოდელაშვილი - 3, ერისთავი - 2, გულდედავა - 1, დელიბაშვილი.

თელავი-პეგასი 26:38
თელავი: ცინცაძე, ხიდეშელი, ცისკარიშვილი - 6, გოგალაძე - 4, ყორიაული - 4, ბაინაზიშვილი - 4, გავაშელიშვილი - 4, მაისაშვილი - 3, კორსანტია - 1, დოლმაზაშვილი, ამირანაშვილი, ბერაძე.
პეგასი: დიხამინჯია გორგოძიანი, ზარნაძე - 9, გრიშიკაშვილი - 8, კალანდაძე - 8, კუხალაშვილი - 6, ბაძაღუა - 4, ქათამაძე - 2, დგებუაძე - 1, პატაშური, კოხრეიძე, ჟვანია.

თ მ ფ წ ბ ქ
პეგასი 3 3 0 0 134:83 6
თელავი 3 2 0 1 100:97 4
გორი 3 1 0 2 98:133 2
სპორტუნი 3 0 0 3 96:135 0

ყოველდღიური სპორტული გაზეთი "ლელო"
465
მკითხველის კომენტარები / 0 /
მსგავსი ამბები
რუბრიკის სხვა სიახლეები
;