ხელბურთი: პეგასმა ყველას მოუგო

სასპორტო კომპლექს "არენაში" ოთხ დღეს გრძელდებოდა 2002-2003 წლებში დაბადებულ ხელბურთელ ვაჟთა საქართველოს ჩემიონატის პირველი წრის შეხვედრები აღმოსავლეთ ზონაში. შვიდი გუნდი დაუპირისპირდა ერთმანეთს. ყველას თბილისის "პეგასმა" აჯობა, რომელმაც ექვსივე მეტოქე დაამარცხა და ერთპიროვნულად დაწინაურდა.

პირველი წრის შემდეგ: პეგასი - 12, ყვარელი - 10, ქარიშხალა - 8, თელავი - 6, გორი - 4, რუსთავი - 2, ქარელი - 0 ქულა.

დასავლეთში მსგავსი შეჯიბრება სამტრედიასა და წყალტუბოში ჩატარდა. უკვე ვწერდით, რომ იქ პირველი წრის შემდეგ 11-11 ქულით ბათუმის "შავი ზღვის ბიჭები" (ბურთების უკეთესი სხვაობა აქვს) და "სამტრედია" ლიდერობენ.

პირველი წრის შემდეგ: ბათუმი- 11, სამტრედია- 11, აჭარა- 8, ფოთის "ოქროს ვერძი"- 6, ქუთაისი- 4, ხელვაჩაური- 2, ზუგდიდი- 0 ქულა.

დასავლეთისა და აღმოსავლეთის შვიდეულები მეორე წრესაც ცალ-ცალკე გამართავენ, საუკეთესოები კი საქართველოს 2018 წლის ჩემპიონს ფინალურ ეტაპზე გამოავლენენ.

ყოველდღიური სპორტული გაზეთი "ლელო"
983
მკითხველის კომენტარები / 0 /
რუბრიკის სხვა სიახლეები
;