ხელბურთი. საქართველოს ჩემპიონატი. II ტური: ბათუმი და თელავი უდანაკარგოდ

სასპორტო კომპლექს "არენაში" გუშინ საქართველოს ხელბურთელ ვაჟთა 2017-2018 წლების ეროვნული ჩემპიონატის პირველი წრის მე-2 ტურის ორთაბრძოლები გაიმართა. სპეციალისტები დაძაბულ პაექრობებს ფავორიტთა შეხვედრებში ელოდნენ, თუმცა სხვა მატჩებიც არანაკლებ საინტერესო გამოდგა.

ბათუმის "შავი ზღვის ბიჭებმა" საქართველოს მრავალგზის ჩემპიონ სტუ-"ქარიშხალას" რვაბურთიანი უპირატესობით სძლია. არც იყო გასაკვირი, რადგან ეს უკანასკნელი ახალ სეზონს საკმაოდ შესუსტებული შემადგენლობით შეხვდა - ბულბულაშვილი და სტურუა ბათუმში გადავიდნენ და ზღვისპირელთა გუშინდელ გამარჯვებაში წვლილი 9 გოლით შეიტანეს. ფერაძე კი წლეულს ქუთაისის სპორტულ ღირსებას იცავს.

ყოველივეს მიუხედავად, ასპარეზობის დასრულებამდე 5 წუთით ადრე "ქარიშხალა"მხოლოდ 3 ბურთით ჩამორჩებოდა მეტოქეს, მაგრამ საბოლოო გარდატეხის შეტანა მაინც ვერ შეძლო და, როგორც აღვნიშნეთ, დამარცხდა.

* * *
ქუთაისელებს წინა სეზონში რეგულარული პირველობის ბოლო ტურში "იმედთან" წაგება ძვირად დაუჯდათ და გუშინ სარევანშოდ იყვნენ განწყობილი. პირველ ტაიმში თანაბარი ბრძოლა იყო და ფრედ დასრულდა - 11:11. არადა, "იმედს" სამჯერ ჰქონდა რიცხობრივი უპირატესობა, თუმცა მისი რეალიზება ვერ შეძლო. მეტოქეს უფრო სერიოზული პრობლემა გამოუჩნდა - თელაველთა მეკარე ცინცაძემ მის კარში დანიშნული 5-ვე შვიდმეტრიანი მოიგერია.

შესვენების შემდეგ ქუთაისელთგან ნავსი გამზარდიამ გატეხა - მეექვსე შვიდმეტრიანი გაიტანა და რიონისპირელები დააწინაურა, მერე გრიშიკაშვილის ექვსმეტრიანი ხაზიდან გატანილი ზედიზედ სამი გოლით ანგარიშში სხვაობამ ოთხ ბურთს მიაღწია. საფინალო სასტვენამდე 15 წუთით ადრე "იმედმა" წონასწორობა აღადგინა. მერე წინაც გავიდა და ორმეტრიანი უკანახაზელი დავით ყორიაულის უნაკლო იერიშებით მატჩი სასურველ დასასრულამდე მიიყვანა.

ბათუმი - სტუ-ქარიშხალა 35:28
ბათუმი: ცერცვაძე, ვარშალომიძე, აბრამიშვილი- 9, ბულბულაშვილი- 6, ქარდავა- 4, ხაჟომია- 4, გოგოლაძე- 4, სტურუა- 3, ი. თევზაძე- 3, სურმავა- 1, მჟავანაძე- 1, ყაველაშვილი, ბერძენიშვილი.
სტუ: ხანდოლიშვილი, ხიდეშელი, გ. კობახიძე- 9, მამულაშვილი- 8, ჩიკვილაძე- 3, ოსიყმაშვილი- 3, ასაბაშვილი- 3, ჯინჭარაძე- 2, ზაალიშვილი, გურასპაული.

სამტრედია - გორი 22:33
სამტრედია: შველიძე, ძნელაძე- 8, გაგუა- 3, ცეცხლაძე- 3, ნადირაძე- 2, მანაგაძე- 2, ხომერიკი- 2, ხონელიძე- 1, ადამია- 1 ნიკურაძე, დ. თევზაძე.
გორი: ვათიაშვილი, თითირაშვილი, ჯაფარიძე, ტიელიძე- 6, ნიაზაშვილი- 6, ზუბიაშვილი- 5, გაგლოშვილი- 4, ტარუაშვილი- 3, მჭედლიშვილი- 3, ახალბედაშვილი- 3, ტერუნაშვილი- 2, ტურაშვილი- 1, ზოზიაშვილი.

იმედი - ქუთაისი 24:20
იმედი: ცინცაძე, ყორიაული- 8, აბჟანდაძე- 6, მიქავა- 5, ცისკარიშვილი- 2, გიორგაძე- 1, გავაშელიშვილი- 1, ბაინაზიშვილი- 1.
ქუთაისი: ანდრიაძე, მაისურაძე, კბილაშვილი- 6, გამზარდია- 3, სიმონია- 3, გრიშიკაშვილი- 3, მერკვილაძე- 2, რუსტამოვი- 2, ჭელიძე- 1, გოგალაძე, კობახიძე.

პეგასი - წყალტუბო 42:27
პეგასი: ი. დიხამინჯია, ცირეკიძე, გორგოძიანი, გ.დიხამინჯია- 9, ზარნაძე- 8, ლაპიაშვილი- 7, ნ. ჟვანია- 6, ბაძაღუა- 5, ქათამაძე- 3, შუბითიძე- 2, კაკაბაძე- 1, ჭანტურია- 1, კალანდაძე, დ. ჟვანია.
წყალტუბო: სილაგაძე- 2, აფხაძე, ხაჭაპურიძე, გიორგაძე- 7, ჩაკვეტაძე- 6, გ. გველესიანი- 5, მეტონიძე- 4, მ. გველესიანი- 2, შვანგირაძე- 1, კუხალაშვილი.

გ თ ბ ფ წ ბ ქ
თელავი 2 2 0 0 67-46 4
ბათუმი 2 2 0 0 76-65 4
პეგასი 2 1 0 1 79-68 2
სტუ 2 1 0 1 69-61 2
ქუთაისი 2 1 0 1 64-59 2
გორი 2 1 0 1 68-66 2
სამტრედია 2 0 0 2 48-76 0
წყალტუბო 2 0 0 2 53-83 0

29 ნოემბერი. III ტური. სტუ-ქარიშხალა - ქუთაისი (12.00), პეგასი - სამტრედია (14.00), იმედი - თელავი - ბათუმი (16.00), წყალტუბო - გორი (18.00).

ყოველდღიური სპორტული გაზეთი "ლელო"
972
მკითხველის კომენტარები / 0 /
რუბრიკის სხვა სიახლეები
;