ხელბურთი. საქართველოს ჩემპიონატი. III ტური: შავი ზღვის ბიჭებმა იმედი ჩაძირა

საქართველოს ხელბურთელ ვაჟთა 2017/18 წლების ეროვნულ ჩემპიონატში, რომელსაც სასპორტო კომპლექსი "არენა" მასპინძლობს, გუშინ პირველი წრის III ტურის ორთაბრძოლები გაიმართა.

განსაკუთრებულ ინტერესს 2016 წლის ჩემპიონისა და წლევანდელი ბრინჯაოს პრიზიორ "შავი ზღვის ბიჭებისა" (ბათუმი) და 2017 წლის ჩემპიონატის გამარჯვებულ "იმედი თელავის" პაექრობა იწვევდა. ორი ტურის შემდეგ ისინი უდანაკარგოდ მეწინავეობდნენ. წინა ტურში თელაველებს დაძაბული პაექრობა ჰქონდათ "ქუთაისთან". ეტყობა, ძალების ბოლომდე აღდგენა ვერ მოასწრეს, რადგან გუშინ ზღვისპირელებს სათანადო წინააღმდეგობა ვერ გაუწიეს და 14 ბურთის სხვაობით დათმეს მატჩი. გამარჯვებულთაგან განსაკუთრებით გამოირჩეოდნენ მეკარე ცერცვაძე და ცენტრალური მცველები - ბერძენიშვილი და ყაველაშვილი. მართალია, მეორე ტაიმში მსაჯებმა ბერძენიშვილი მატჩის ბოლომდე გააძევეს, მაგრამ ამას საბოლოო შედეგზე გავლენა არ მოუხდენია, რადგან ამ დროს ბათუმელები 11 ბურთით წინ იყვნენ.

მესამე ტურში დრამატულად წარიმართა სტუ-"ქარიშხალას" და "ქუთაისის" პაექრობა. პირველი ტაიმი გარდამავალი უპირატესობით მიმდინარეობდა. შესვენების შემდეგ მასპინძლები ორჯერ დაწინაურდნენ, მაგრამ საფინალო სასტვენამდე 15 წუთით ადრე რიონისპირელებმა ძალების მობილიზება შეძლეს და 12 ბურთის სხვაობით გაიმარჯვეს.

გუშინვე წარმატებით ითამაშეს "პეგასმა" და"გორმა", რომლებმაც, შესაბამისად, "სამტრედიას" და "წყალტუბოს" აჯობეს და 4-4 ქულით მეორე-მეხუთე ადგილებს იყოფენ.
დღეს "არენაში" პირველი წრის მე-4 ტურის ორთაბრძოლები გაიმართება. მერე გუნდები დაისვენებენ. 12-14 დეკემბერს თბილისში აღმოსავლეთის 4 გუნდი ითამაშებს, 20-22 დეკემბერს კი დასავლეთის ოთხეული პირველ წრეს ქუთაისში დაასრულებს.

ხელბურთი. საქართველოს ჩემპიონატი. III ტური

სტუ-ქუთაისი 25:38
სტუ: ხანდოლიშვილი, ხიდეშელი, გ. კობახიძე - 13, ოსიყმაშვილი - 5, ასაბაშვილი - 4, მამულაშვილი - 2, ჩიკვილაძე - 1, ჯინჭარაძე, თიგიშვილი.
ქუთ: ანდრიაძე, გრიშიკაშვილი - 10, კბილაშვილი - 9, სიმონია - 7, გოგალაძე - 4, ჭელიძე - 3, ლომიძე - 2, რუსტამოვი - 1, უ. კობახიძე - 1, გამზარდია - 1.

პეგასი-სამტრედია 37:21
პეგასი: ი. დიხამინჯია, გორგოძიანი, კალანდაძე - 8, ლაპიაშვილი - 8, გ.დიხამინჯია - 6, ნ. ჟვანია - 6, ქათამაძე - 4, ბაძაღუა - 3, კაკაბაძე - 2, შუბითიძე, ჭანტურია, დ. ჟვანია.
სამტრედია: შველიძე, ძნელაძე - 13, გაგუა - 3, ცეცხლაძე - 2, ხომერიკი - 2, ნადირაძე - 1, ხონელიძე, მანაგაძე, ადამია.

იმედი-ბათუმი 14:28
იმედი: ცინცაძე, ხარაიშვილი, მიქავა - 5, აბჟანდაძე - 3, ყორიაული - 3, ცისკარიშვილი - 2, გავაშელიშვილი- 1, გიორგაძე, ბაინაზიშვილი, კორსანტია, ერისთავი, მანჯავიძე, გოდელაშვილი.
ბათუმი: ცერცვაძე, ვარშალომიძე, გოგოლაძე - 6, სტურუა - 6, აბრამიშვილი - 5, ბულბულაშვილი - 4, ხაჟომია - 3, თევზაძე - 3, სურმავა - 1, ქარდავა - 1, ყაველაშვილი, ბერძენიშვილი, მჟავანაძე, თურმანიძე, კახიძე.

წყალტუბო-გორი 36:41
წყალტუბო: სილაგაძე, ხელაძე- 11, გ. გველესიანი- 8, მ. გველესიანი- 7, მეტონიძე- 6, გიორგაძე- 2, შვანგირაძე- 1, კუხალაშვილი- 1, ჩაკვეტაძე.
გორი: ვათიაშვილი, თითირაშვილი, ტარუაშვილი- 9, ტიელიძე- 6, გაგლოშვილი- 6, ზუბიაშვილი- 6, დალაქიშვილი- 6, ახალბედაშვილი- 4, მჭედლიშვილი- 3, ნიაზაშვილი- 1, ტერუნაშვილი, ზოზიაშვილი.

გ თ მ ფ წ ბ ქ
ბათუმი 3 3 0 0 104-79 6
პეგასი 3 2 0 1 116-89 4
ქუთაისი 3 2 0 1 102-84 4
გორი 3 2 0 1 109-102 4
იმედი 3 2 0 1 81-74 4
სტუ 3 1 0 2 94-99 2
წყალტუბო 3 0 0 3 89-124 0
სამტრედია 3 0 0 2 69-113 0

30 ნოემბერი. IV ტური. გორი - ბათუმი (12:00), წყალტუბო - იმედი (14:00), პეგასი - ქუთაისი (16:00), სამტრედია - სტუ-ქარიშხალა (18:00).

ყოველდღიური სპორტული გაზეთი "ლელო"
1043
მკითხველის კომენტარები / 0 /
მსგავსი ამბები
რუბრიკის სხვა სიახლეები
;