ხელბურთი. 'ქარიშხალა' საქართველოს ჩემპიონია

სასპორტო კომპლექს "არენაში" დღეს დამთავრდა საქართველოს ხელბურთელ ქალთა ეროვნული ჩემპიონატი, რომელიც ათწლიანი პაუზის შემდეგ წლეულს მესამედ გაიმართა. 2016 წელს ჩემპიონი გახდა "პეგასი", შარშან - "ყვარელი", წლევანდელი ოქროს მედლები კი "ქარიშხალას" ხელბურთელებმა მოიპოვეს.

პირველობის ბოლო პაექრობების წინ მხოლოდ ბრინჯაოს პრიზიორის ვინაობა იყო ცნობილი - განვლილ 13 ტურში ფოთის "ოქროს ვერძმა" (მედეა ფიფია, ანა გორგაძე, ციცინო ბჟალავა, მარიამ გვათუა, მირანდა ბაირამიდი, სოფიო რიჟამაძე, ნინო სურგულაძე, ანა კობახია, მარიამ თოდუა, თათია დუდუჩავა, ლანა გოგია, თამარ რურუა, ნინო რურუა, ქეთევან გეგენავა, ნენო ჯგერენაია, მწვრთნელები - დარეჯან გეფერიძე, გელა ჟვანია) 16 ქულას მოუყარა თავი და უახლოეს კონკურენტს სამი ქულით გაუსწრო. ოქრო-ვერცხლის ბედი დღეს გადაწყდა: "ფოთმა" 19:6 დააარცხა "ყვარელი"; წყალტუბოს "პრომეთემ" 17:11 სძლია "პეგასს" და მეოთხე ადგილზე გადაინაცვლა, ხოლო "მამულმა" "აჭარას" 29:13 აჯობა.

ჩემპიონობის ბედი "ქარიშხალა"-"სამტრედიას" მატჩს უნდა გადაეწყვიტა. დაძაბული პაექრობა გამოდგა. საფინალო სასტვენამდე ხუთი წუთით ადრე ანგარიში თანაბარი იყო - 12:12. დარჩენილ დროში დედაქალაქელთა გუნდის მოთამაშე მწვრთნელმა ირმა ციცქიშვილმა და ანა ჩხაიძემ ორი უპასუხო ბურთი გაიტანეს (14:12) და ჩემპიონატის დებიუტანტ "ქარიშხალას" (მარინა არაბაჯევი, ხატია ლობჟანიძე, ანა ტალახაძე, ნანი ბიძინაშვილი, ქეთევან ცინცაძე, მარიამ ცინცაძე, ანა ჩხაიძე, ია ჩხაიძე, ანა მუმლაძე, ჟუჟუნა ხმელაძე, ანა თათარაშვილი, ვიქტორია რაზმაძე, ანა კეკუტია, ქეთევან კერესელიძე, მწვრთნელები - ირმა ციცქიშვილი, გიორგი ქობელაშვილი) ჩემპიონობა მოაპოვებინეს.

ვერცხლის მედლები "მამულს" (ანა ვარდიშვილი, მარიამ ნაკაშიძე, ლიზი გორჯოლაძე, ელენე ბერიკაშვილი, ნინო შახულოვი, ნატალი ავსაჯანიშვილი, ნანა ველიჯანაშვილი, სალომე გორგიძე, ნინო ლომიძე, ქეთი იაშვილი, ანა ყველაშვილი, მარიამ დანელია, ელენე ჯავახიშვილი, ანა ქადარია, ლანა ჩუხატურიანი, მარიამ ქობალია, მწვრთნელი ჯულია კასიანი) ერგო. მართალია, ორივე გუნდმა 25-25 ქულა მოაგროვა, მაგრამ ურთიერთშეხვედრებში "ქარიშხალას" (24:19, 19:22) უკეთესი ბალანსი აქვს.

                     თ   მ ფ  წ      ბ       ქ
ქარიშხალა     14 12 1 1 313:233 25
მამული         14 12 1 1 330:201 25
ფოთი            14 7 2 4 220:202 18
წყალტუბო     14 7 0 7 188:222 14
სამტრედია    14 4 5 5 209:221 13
აჭარა             14 3 3 8 187:224 9
ყვარელი        14 2 0 12 193:254 4
პეგასი            14 1 2 11 186:269 4

892
მკითხველის კომენტარები / 0 /
მსგავსი ამბები
რუბრიკის სხვა სიახლეები
;