ხელბურთი. ჩემპიონი დაწინაურდა

სასპორტო კომპლექს "არენაში" გრძელდება საქართველოს ხელბურთელ ვაჟთა ეროვნული ჩემპიონატი უმაღლესი ლიგის გუნდებისთვის. ქვეყნის ჩემპიონი თელავის "იმედი"გათამაშების ცხრილის მე-4 ადგილზე მყოფ გორელებს დაუპირისპირდა.

გორი-იმედი 33:39

მატჩის პირველი წუთებიდანვე ჩემპიონები დაწინაურდნენ და შეხვედრის ბოლომდე პაექრობის სადავეები ხელიდან არ გაუშვიათ.

გორელთა ლიდერობა გაგლოშვილმა ითავა და თელაველებს 15 გოლიც გაუტანა, მაგრამ საკუთარი გუნდი მარცხისგან მაინც ვერ იხსნა, რადგან პარტნიორებმა სათანადოდ ვერ აუბეს მხარი. საბოლოოდ "იმედმა" ექვსბურთიანი სხვაობით (39:33) გაიმარჯვა და 10 ქულით გათამაშების ცხრილის სათავეში მოექცა.


პეგასი-სტუ 37:30

"პეგასისა" და სტუ-"ქარიშხალას" მატჩი უფრო დაძაბული გამოდგა. ქვეყნის მრავალგზის ჩემპიონი სტუ რამდენიმე ვეტერანითა და გამოუცდელი ჭაბუკებით ჩვეული შემართებით ვერ იბრძვისს "პეგასსაც" პაექრობის მხოლოდ სამი მეოთხედი გაუძალიანდა.

პირველ ტაიმში 2 ბურთითაც იყო წინ (11:9). შეხვედრის 45-ე წუთზე კი ანგარიშში სხვაობა მინიმუმამდე დაიყვანა (24:25), თუმცა მატჩში გარდატეხის შეტანა მაინც ვერ შეძლო. "პეგასმა" კი პირიქით - ლიდერ გიორგი დიხამინჯას რამდენიმე სწრაფი გარღვევის შემდეგ შვიდბურთიან უპირატესობას მიაღწია და საფინალო სასტვენამდე ეს უპირატესობა შეინარჩუნა - 37:30 .

თ  მ  ფ  წ  ბ  ქ

იმედი 6 5 0 1 195-171 10
ბათუმი 4 4 0 0 149-108 8
ქუთაისი 4 3 0 1 146-119 6
პეგასი 6 3 0 3 220-197 6
გორი 6 3 0 3 202-213 6
სტუ 6 2 0 4 178-188 4
წყალტუბო 4 0 0 4 121-164 0
სამტრედია 4 0 0 4 90-140 0

14 დეკემბერი, VII ტური
პეგასი - გორი (13.00),
იმედი თელავი - სტუ/ქარიშხალა (15.00).

ყოველდღიური სპორტული გაზეთი "ლელო"
761
მკითხველის კომენტარები / 0 /
რუბრიკის სხვა სიახლეები
;