ხელბურთი. U17: აღმოსავლეთი პეგასი, დასავლეთში აჭარა

17-წლამდელ ხელბურთელ ვაჟთა საქართველოს 2018-2019 წლების ჩემპიონატში 15 გუნდი ჩაება, რომლებიც ტერიტორიული პრინციპით ორ ლიგაში გადანაწილდნენ.

პირველობის დებულების თანახმად, ლიგათა ჩემპიონები და პრიზიორები უკვე გამოვლინდნენ. აღმოსავლეთში პირველი-მეორე ადგილების ბედი ბოლო ტურამდე გადაწყდა - თბილისის „პეგასსა“ (მწვრთნელები - გ. სახვაძე, ტ. კალანდაძე) და „ყვარელს“ მდევრები ვერ წამოეწეოდნენ. მესამე ადგილისთვის „ქარიშხალა“ და „რუსთავი“ აცხადებდნენ პრეტენზიას. დედაქალაქელებმა ქარელს აჯობეს - 29:19 და მესამე ადგილი დაიკავეს, რადგან „რუსთავმა“ „პეგასთან“ 14:25 წააგო. ტურზე გამოუცხადებლობის გამო „გორს“ „ყვარელსა“ და „პეგასთან“, ხოლო „ლაგოდეხს“ „თელავთან“ ტექნიკური წაგებები (0:10) ჩაეწერათ.

აღმოსავლეთი

თ მ ფ წ ბ ქ
პეგასი 14 14 0 0 332:112 28
ყვარელი 14 12 0 2 294:166 24
ქარიშხალა 14 9 0 5 284:253 18
რუსთავი 14 8 0 6 322:310 16
ქარელი 14 6 0 8 271:299 12
გორი 14 4 0 10 164:244 8
თელავი 14 2 0 12 201:342 4
ლაგოდეხი 14 1 0 13 65:207 2

დასავლეთის ზონის გუნდები ზესტაფონში შეიკრიბნენ. განსაკუთრებულ ინტერესს „აჭარა“-“სამტრედიას“ შეხვედრა იწვევდა, რადგან ამ მატჩში გამარჯვებული დასავლეთის ჩემპიონი გახდებოდა,

აჭარა-სამტრედია 23:20
აჭარა: ქამადაძე, ცინცაძე, დუმბაძე - 8, აბულაძე - 4, ტარიელიძე - 3, ზაქარაძე - 3, ფარტენაძე - 3, გაბაიძე - 2, შაინიძე, მარკოიძე, ჯიჯავაძე, დავითაძე, ისმაილოვი, ქამადაძე.
სამტრედია: გოგიჩაიშვილი, აფრიდონიძე - 8, ხელისუფალი - 7, ხომერიკი - 7, ნადირაძე - 4, ადამია, ქავზინაძე, მანაგაძე, გაგუა, ახობაძე, ხუჭუა, მანია, ბელთაძე.
მსაჯები: თ. ბჟალავა, გ. გველესიანი, ზ. აბრამიშვილი, შ. სტურუა.

ამ შეხვედრის შემდეგ „აჭარამ“ (მწვ. ი. სიხარულიძე, ზ. ურუშაძე) ბოლო მატჩში 41:19 დაამარცხა აუტსაიდერი „წყალტუბო“ და ჩემპიონობა ერგო. მეორე ადგილზე გავიდა სამტრედია, მესამეზე - ბათუმის „შავი ზღვის ბიჭები“. „ხელვაჩაური“- „ფოთი“ 19:30.

დასავლეთი

თ მ ფ წ ბ ქ
აჭარა 12 9 2 1 357:284 20
სამტრედია 12 9 1 2 345:234 19
ბათუმი 12 8 1 3 298:270 17
ფოთი 12 6 1 5 262:238 13
ქუთაისი 12 3 3 6 259:235 9
ხელვაჩაური 12 2 2 8 268:317 6
წყალტუბო 12 0 0 12 160:371 0

აპრილში ორივე ლიგის გუნდები თბილისში ფინალურ ტურნირზე საქართველოს ჩემპიონობისთვის იბრძოლებენ, იქამდე კი ამ ასაკის (2002-2003 წლებში დაბადებულები) საქართველოს ნაკრებს საწვრთნელი შეკრება ელის. ჩვენი გუნდი ივლისში ევროპის 17-წლამდელთა ჩემპიონატზე ითამაშებს, რომელსაც შვედეთი უმასპინძლებს.

ყოველდღიური სპორტული გაზეთი "ლელო"
378
მკითხველის კომენტარები / 0 /
მსგავსი ამბები
რუბრიკის სხვა სიახლეები
;