ხინჩეგაშვილი რუსთან საჭიდაოდ არ გავიდა, ოდიკაძემ და კენჭაძემ კი ოქროები მოიპოვეს

ვარშავაში მიმდინარე "ციოლკოვსკის მემორიალზე" საქართველოს ნაკრებმა ორი ოქრო და ერთი ვერცხლი მოიპოვა. ტურნირის ჩემპიონები ავთანდილ კენჭაძე (74) და ელიზბარ ოდიკაძე (97) გახდნენ, ხოლო ოლიმპიური და მსოფლიოს ჩემპიონი, ევროპის სამგზის გამარჯვებული ვლადიმერ ხინჩეგაშვილი (65) ფინალში საჭიდაოდ არ გავიდა რუსთა ჩეჩენ ფალავან ახმედ ჩაკაევთან. მიზეზი წინასწარ შეხვედრებში მიღებული მცირე ტრავმაა და მწვრთნელებმა არ გარისკეს. მით უფრო, რომ ეს შეჯიბრება მსოფლიოს ჩემპიონატისტვის სასტარტოა, ხინჩეგაშვილმა კი კარგი სტარტი მიიღო და წინა შეხვედრებში დამაჯერებლად იმარჯვა.

ჩვენმა ჩემპიონებმა ფინალური პაექრობები ქულათა დიდი უპირატესობით, ვადამდე და სუფთად მოიგეს. თანაც, ლამის ერთნაირი ანგარიშით: კენჭაძემ ფინალში 12:1 გაანადგურა ჩინელი ვეი ვუ, ოდიკაძემ კი დამაჯერებელი რევანში აუღო ყაზახ მამედ იბრაგიმოვს პირველ ეტაპზე განცდილი მარცხისთვის: 12:0. მან მაღალ ტემპში, შემტევ სტილში პირდაპირ გაანადგურა მეტოქე და ამოსუნთვის საშუალებაც არ მისცა მას. იმდენად იოლად მოუგო, რომ გასაკვირია, ის შეხვედრა თუნდაც ფრეზე როგორ დათმო.

"ციოლკოვსკის ტურნირის" ფინალში კიდევ ორი ქართველი გავიდა - მსოფლიოს ჩემპიონი ზურაბ იაკობიშვილი (70) და მსოფლიოსა და ევროპის მესამე პრიზიორი დავით ხუციშვილი (79). ჩვენი გუნდის კიდევ ერთი ტიტულოვანი წევრი, ევროპის ორგზის ჩემპიონი, მსოფლიოსა და ოლიმპიური პრიზიორი დავით მარსაგიშვილი (92) დამამშვიდებლის ფინალშია და ბრინჯაოს მედლისთვის იჭიდავებს.

სამი ქართველი პოლონურ ფინალში: ხინჩეგაშვილი, ოდიკაძე, კენჭაძე

2147
მკითხველის კომენტარები / 1 /
soxumeli veterani
0
lado ar idardo, albat ase ajobebs! yvelaferi cin gaqvs am sezonshi da iq ityvi shens omaxian sityvas! bichebs vulocav!
მსგავსი ამბები
რუბრიკის სხვა სიახლეები
;