ხორვატია საქართველოსთან მატჩამდე: აურზაური მოდრიჩის გამო...

ხორვატიის ნაკრების მთავარი მწვრთნელი ზლატკო დალიჩი ესპანურმა მედიამ გვარიან წნეხში მოაქცია. ჟურნალისტები ფიქრობენ, რომ ბოლო დროს ტრავმებით გატანჯულ ლუკა მოდრიჩს დასვენება სჭირდება, რის საშუალებასაც ეროვნული გუნდის თავკაცი არ აძლევს.

არადა, ხორვატიას ჯერ არ გაუნაღდებია ევროფორუმზე თამაში. ამისთვის, 16 ნოემბერს სლოვაკეთთან წარმატებით თამაშია საჭირო, მერე კი, 19 ნოემბერს, ამხანაგური მატჩია საქართველოს ნაკრებთან.

ირკვევა, რომ მოდრიჩის დასვენება "რეალის" ხელმძღვანელობასაც სურს, მაგრამ... აბა, გადამწყვეტი თამაშის წინ სად ჰყავს ხორვატიას დასაკარგი ლიდერი? თუმცა საქართველოსთან თამაშში მოდრიჩმა, შეიძლება, მართლაც დაისვენოს...

974
მკითხველის კომენტარები / 0 /
მსგავსი ამბები
რუბრიკის სხვა სიახლეები
;