ხუთი მწვრთნელის ვინაობა ცნობილია: კლოპი, ალეგრი, ტენ ჰაგი... სად არის გვარდიოლა?

Globe Soccer Awards-ის ყოველწლიური სამწვრთნელო ჯილდოს მფლობელი 5 მწვრთნელს შორის გამოვლინდება - იურგენ კლოპი ("ლივერპული"), მასიმილიანო ალეგრი ("იუვენტუსის" ყოფილი მწვრთნელი), ერიკ ტენ ჰაგი ("აიაქსი"), ჯამელ ბელმადი, რომელმაც ალჟირის ნაკრებს აფრიკის ეროვნებათა თასი მოაგებინა, და ფერნანდო სანტუში, ვისი თავკაცობითაც ახალდაარსებული უეფას ერთა ლიგის პირველი გამარჯვებული პორტუგალია გახდა.

რა თქმა უნდა ყველაფერზე შეიძლება კამათი, მაგრამ ხუთეულში პეპ გვარდიოლას არყოფნა ცოტა უცნაურია. მას არ დაუფასდა ინგლისში მოგებული "თრებლი" (პრემიერლიგა, ასოციაციის თასი, ლიგის თასი).

Globe Soccer Awards-ი ჯილდოს მე-11 მფლობელს დეკემბერში, დუბაიში გამოაცხადებს. დასახელდება საუკეთესო ფეხბურთელიც. ცნობილია, რომ ამ პრიზის კანდიდატებს შორის 4 ლივერპულელია - მოჰამედ სალაჰი, ვირჯილ ვან დეიკი, ალისონ ბეკერი და სადიო მანე.

Globe Soccer Awards-ის დაჯილდოება ორგანიზებულია მოთამაშეთა აგენტების გაერთიანებისა და ევროპული კლუბების ასოციაციების მიერ.

689
მკითხველის კომენტარები / 0 /
მსგავსი ამბები
რუბრიკის სხვა სიახლეები
;