ჯაბა კანკავას ბრძოლების ისტორია

თურქეთში, მოსამზადებელ ეტაპზე ჯაბა კანკავასა და ნიკა კვეკვესკირის ”ტობოლი” მახაჭყალის ”ანჟის” შეხვდა და 0:1 წააგო.

თუმცა ყაზახურ-რუსეთის პრემიერლიგელების თამაშმა ყურადღება სხვა რამის გამო მიიქცია - შეხვედრის დასასრულს მეტოქეებმა იჩხუბეს, რომლის მთავარი გმირიც კავკასიელი ჯიგიტები, ჯაბა კანკავა და არსენ ხუბულოვი იყნენ.

ჯაბა კანკავასა და არსენ ხუბულოვის ხელჩართული ჩხუბი [VIDEO]

კადრებში ჩანს, რომ საქართველოს ნაკრების კაპიტანს ”ანჟის” ფეხბურთელმა ხუბულოვმა რაღაც მიაძახა და შეურაცხყო - კანკავამ თავი ვერ შეიკავა და სახეში მუშტი ჩაარტყა.

ამ დროს სტადიონზე საქართველოს ნაკრების სამი წევრი იმყოფებოდა - ”ანჟის” სასტარტო შემადგენლობაში გიორგი ლორიამ ითამაშა, ”ტობოლში” კი – კვეკვესკირმა. ორივე მოჩხუბართა გაშველებას შეეცადა და ეს სამშვიდობო მისია წარმატებით და კონფლიქტის ჩაცხრობით დასრულდა. თუმცა კანკავა და ხუბულოვი მოედნიდან გააძევეს.

VS ნანი

საქართველოს ნაკრების კაპიტან ჯაბა კანკავას მსგავსი ინციდენტები აქამდეც მოსვლია, თან გაცილებით სახელოვან მეტოქეებთან: 

2015 წელს "ფენერბაჰჩესთან" საკონტროლო მატჩისას პორტუგალიელ ნანისშუბლი შუბლზე მიაბჯინა, რამდენიმე ნაბიჯით უკან დაახევინა. ინციდენტის შემდეგ ნანი მოედანზე გაწვა, ფეხზე ხელი მოიკიდა და მსაჯმა კანკავას ყვითელი ბარათი უჩვენა. მაშინ ჩვენიანი "დნიპროს" ღირსებას იცავდა.

ჯაბა კანკავამ ბასტიან შვაინშტაიგერის შემდეგ ლუიშ ნანიც "დაჩაგრა" [VIDEO]

VS შვაინშტაიგერი

ზუსტად ასეთივე ამბავი მოხდა საქართველო-გერმანიის დაპირისპირებაში: კანკავა ბასტიან შვაინშტაიგერს შეეჭიდა. ბასტიანიც მყარად დაუდგა, მაგრამ არც ჯაბას გადაუდგამს ნაბიჯი უკან.

ჯაბა კანკავამ ბასტიან შვაინშტაიგერის შემდეგ ლუიშ ნანიც "დაჩაგრა" [VIDEO]

...მაგრამ ჯაბა მეტოქეებს მხოლოდ აგრესიით როდი პასუხობს, თუ საჭიროა, ვაჟკაცურად გვერდშიც უდგას. გავიხსენოთ კიევის დინამოელი ოლეგ გუსევი, რომელსაც ქართველმა მოედანზე პირველადი დახმარება აღმოუჩინა...

ფაქტია, საქართველოს ნაკრების კაპიტანმა მეტოქისთვის მძიმე წუთებში ხელის გაწვდენაც იცის და თუ საჭირო გახდა, შუბლით მიწოლაც, ამ დროს კი მისთვის ავტორიტეტები არ არსებობენ.

ყოველდღიური სპორტული გაზეთი "ლელო"
4697
მკითხველის კომენტარები / 3 /
კოტე
0
შტაინგერისთვის კი უნდა ჩაგენგრია ჩხვირპირი, სამამულო ომიდან გამომდინარე.
სოსო
0
ჯაბა ჯერ კაცია და შემდეგ ფეხბურთელი.მისი სიმულაცია და პროვოკაცია არავის ახსოვს.
მსგავსი ამბები
რუბრიკის სხვა სიახლეები
;