გიგა ჯანელიძე სერია A 2-ში დაუმარცხებელია

იტალიის რიგით მეორე ლიგაში (სერია A2) თამაშობს ახალგაზრდა ქართველი ფორვარდი გიგა ჯანელიძე (199 სმ), რომლის "ტრიესტე" სამი ტურია, რაც დაუმარცხებელია. ბოლო მატჩში ტრიესტელებმა "იმოლას" უმასპინძლეს და 91:83 სძლიეს.

22 წლის ქართველი თავდამსხმელი სასტარტო ხუთეულში იყო და 16 წუთში 4 ქულას 7 მოხსნა მიამატა. ტურით ადრე ჯანელიძეს უკეთესი სტატისტიკა ჰქონდა. "ფორლისთან" 75:66 მოგებულ მატჩში 23 წუთი ითამაშა და ნაყოფიერადაც იშრომა: 6 ქულა, 9 მოხსნა, თითო ჩაჭრა-პასი. გიგამ 4-დან 3 სამქულიანი ჩააგდო და ერთი სამიანი აუცდა.

შეგახსენებთ, რომ ორი წლის წინათ, გიგა ჯანელიძე საქართველოს ნაკრებში იყო გამოძახებული, თუმცა 12-კაციან განაცხადში ვერ მოხვდა.

ყოველდღიური სპორტული გაზეთი "ლელო"

 

1148
მკითხველის კომენტარები / 0 /
მსგავსი ამბები
რუბრიკის სხვა სიახლეები