ჯანელიძე პლეი ოფს 11 ქულით და მოგებით იწყებს

იტალიის სერია A2-ში მოასპარეზე ქართველი ფორვარდი გიგა ჯანელიძე პლეი ოფს მოგებით იწყებს. მისმა "ტრიესტემ" აღმოსავლეთის ჯგუფში 22 მოგებით (8 მარცხი) პირველი ადგილი დაიკავა. პლეი ოფში კი დასავლეთის ჯგუფის მეცხრეადგილოსან "რევერ ტრევილიოს" შეხვდა.

სერიის პირველი მატჩი ტრიესტეში გაიმართა და მასპინძელთა გამარჯვებით დასრულდა - 86:78.

გიგა ჯანელიძე სასტარტო ხუთეულში იყო და 21 წუთში საკმაოდ ნაყოფიერად იმუშავა: 11 ქულა, 6 მოხსნა, 2 პასი და თითო ჩაჭრა-დაფარება მოაგროვა. გიგას ანგარიშზე 6-დან 4 ორქულიანი და 2-დან 1 სამიანია.

მატჩის ბომბარდირი მისი თანაგუნდელი როურენს ბოუერსი გახდა - 18 ქულა.

841
მკითხველის კომენტარები / 0 /
მსგავსი ამბები
რუბრიკის სხვა სიახლეები
;