...ჯანოს გამოსვლით ეს ბალანსიც დაირღვაო. ანანიძის გამო სპარტაკის მწვრთნელი მკაცრად გააკრიტიკეს

მოსკოვის "სპარტაკის" მწვრთნელი დომენიკო ტედესკო მკაცრად გააკრიტიკეს "ზენიტთან" საგარეო მატჩში (რომელშიც 0:1 დამარცხდა) ჯანო ანანიძის გამოყვანისთვის.

ჯანო 73-ე წუთიდან ჩაერთო თამაშში, თუმცა "სპარტაკს" ვერაფრით დაეხმარა. მისი ფსიქოლოგიური მდგომარეობა გასაგებია - ამდენი უთამაშებლობის ფონზე მას სურს, დაუმტკიცოს მწვრთნელს რომ მეტ დროს იმსახურებს. 

ჯანო თამამად შევიდა თამაშში, ნახევარდაცვის ცენტრიდან თამაშის აწყობას სცადა, თუმცა აქედან "სპარტაკმა" მაინც ვერაფერი მიიღო. პოპულარულმა გამოცემა championat.com-მა ტედესკოს არ მოუწონა ანანიძის გამოყვანა და ეს ასე ახსნა:

"ჯანოს გამოსვლა კიდევ უფრო უცნაური გადაწყვეტილება იყო. კრალი ნამდვილად არ იყო დაღლილი, ადეკვატური ინტენსივობა ეჭირა და უზრუნველყოფდა ბალანსს დაცვასა და შეტევას შორის, ქართველი პლეიმეიკერის გამოსვლით კი ეს ბალანსი დაირღვა.

"სპარტაკს" სულ უფრო გაუჭირდა საყრდენ ზონაში "ზენიტის" მოირიშეთა შეჩერება და ეს უშუალოდ ანანიძის პასუხისმგებლობა იყო. თუ ტედესკოს მხრიდან ეს იყო ვა-ბანკზე წასვლა, მაშინ უნდა ვთქვათ, რომ გერმანელს ამით არაფერი გამოუვიდა.

ჯანომ საერთოდ ვერაფერი აჩვენა - ვერც შეტევები გაამწვავა, ვერც კარში დაარტყა", - წერს გამოცემა.

1249
მკითხველის კომენტარები / 1 /
თეიმურაზ რეხვიაშვილი
0
სამწუხაროდ ჯანოს აკლია ჯანი იმისათვის რომ მაღალ დონეზე ითამაშოს ის კრილიაშიც ვერ თამაშობდა ვინმეზე უკეთესად
მსგავსი ამბები
რუბრიკის სხვა სიახლეები
;