ჯანოს იდეალური ტაიმი საგოლე პასით

უკვე ერთი კვირაა, ჯანო ანანიძე მოსკოვის "სპარტაკთან" ერთად ახალი სეზონისთვის ემზადება. ოლეგ კონონოვის გუნდმა ამხანაგური მატჩიც გამართა - "ოტკრიტიე არენის" სათადარიგო მოედანზე "სოჩის" უმასპინძლა და 7:1 დაამარცხა.

სპარტაკელებმა ჯერ კიდევ პირველ ტაიმში გაიტანეს 4 უპასუხო გოლი, რომელთა შორის შედეგიანი პასით გამოირჩა ანანიძეც. 37-ე წუთზე მას იდეალური გადაცემა გამოუვიდა ალექსანდრ ლომოვიცკის მისამართით, რომელმაც ანგარიში 3:0 გახადა...

ამას გარდა, ჯანომ, რომელმაც სრული პირველი ტაიმი ითამაშა, ერთ ეპიზოდში თავადაც სცადა გოლის გატანა, მაგრამ მისი სახიფათო დარტყმა უშუდეგო გამოდგა. "ჯანოს იდეალური ტაიმი გამოუვიდა", - დაწერა championat.com-მა.

1059
მკითხველის კომენტარები / 0 /
მსგავსი ამბები
რუბრიკის სხვა სიახლეები
;