რუსების თბილი, ვრცელი წერილი: ჯანო ანანიძე - პატარა გენიოსი [VIDEO]

რუსულმა "სპორტ ექსპრესმა" ძალიან საინტერესო მაალა გამოაქვეყნა საქართველოს ეროვნული ნაკრების ერთ-ერთ ლიდერ ჯანო ანანიძეზე. მასალის ავტორია ჟურნალისტი მიხაილ გონჩარენკო. ნამუშევარი იმდენად საინტერესოა, რომ გადავწყვიტეთ, სრულად შემოგთავაზოთ.

"25 წლის ნახევარმცველი აღდგენით პერიოდს გადის კარიერაში ყველაზე რთული ტრავმის შემდეგ. მას მუხლის მყესები გაუწყდა. ეს მარტის ბოლოს მოხდა. არ არის გარანტია, რომ მოსკოვურ კლუბში, სადაც შემტევი ფეხბურთელები ისედაც ბევრნი იყვნენ და ახლა მათ რომან ერიომენკოც მიემატა, ჯანო დაბრუნების შემდეგ საჭირო ფეხბურთელი იქნება. არადა, ერთ დროს იყო შეგრძნება, რომ ჯანოს შეეძლო გამხდარიყო საუკეთესო არა "სპარტაკში", არამედ მთელ ჩემპიონატში.

ბავშვში ამხელა თანხა ჯერ არასოდეს გადაგვიხდია

2009 წელი

არ არის იოლი დასაჯერებელი, მაგრამ ათ წელზე მეტია, ჯანო "სპარტაკშია". ის 2007 წლიდან არის გუნდში, მანამდე კი სამი წელი კიევის "დინამოს" საფეხბურთო აკადემიაში გაატარა. "სპარტაკის" სელექციონერებმა კი ის საქართველოსა და რუსეთის იუნიორთა ნაკრების მატჩის დროს შენიშნეს.

"პირველი ვარჯიში ჩემს თანატოლებთან ჩავატარე. მეორე ვარჯიშზე კი უკვე შედარებით უფროსებთან გავედი. ორმხრივი ვითამაშე და ოთხი გოლი შევაგდე. მესამე საღამოს დუბლებში დამიძახეს სათამაშოდ. დუბლებში 1989 წელს დაბადებული ფეხბურთელები თამაშობენ, უფროსები არიან. ვურეკავ მამას. მითხრა, ნუ გშინია, ბოლომდე მიაწექიო.

განაცხადში არ ვიყავი. მომცეს ტრავმირებული ფეხბურთელის მაისურა. მგონი, ეს იყო მაქსიმ ჟიტნევი. ის ქერაა, მე მგავს. პირველი ტაიმის შემდეგ "სპარტაკი" 1:0 - ს იგებდა. შემიშვეს შეცვლაზე. ორი გავიტანე. ერთი 30 მეტრიდან, მარცხენათი. ცხრიანში გავიტანე, ბადე გაიხა. ათი წუთის განმავლობაში მსაჯები თათბირობდნენ, ჩაეთვალათ თუ არა გოლი."- იხსენებს ანანიძე.

ფეხბურთელის პირველი აგენტი, რევაზ ჩელებაძე ამბობს: "მან არა მხოლოდ ორი შეაგდო, არამედ ორი საგოლე გადაცემაც გააკეთა. შეიძლება ითქვას, რომ თამაში ჯანოსი იყო. სმოლენცევი, ვინც მაშინ სელექციაზე აგებდა პასუხს "სპარტაკში", მომიახლოვდა და მითხრა, ოღონდ ფასი არ აწიოთ და ჩათვალეთ, რომ ყველაფერზე მოლაპარაკებულები ვართო.

არადა, თავიდან ბევრი იცინოდა, როცა ბავშვი მინდორზე გავიდა. "სპარტაკს" ანანიძე 300 ათასი დოლარი დაუჯდა. ხელმძღვანელობა მაშინ ამბობდა, რომ ბავშვში სხვა დროს ამდენი თანხა არც არასოდეს გადაუხდიათ.

 

შედევრები ახალგაზრდულში

ვინც იცნობს ბავშვთა ფეხბურთს, დაგვეთანხმება, რომ ხშირად აქ პირველ პლანზე გამოდის არა ნიჭიერი უცხოელი, არამედ ფიზიკურად ძლიერი ადგილობრივი კადრი. ათი წლის წინ ჯანოს ამან ხელი არანაირად არ შეუშალა. მას ჰქონდა ის თვისებები, რაც სხვებს აკლდათ - მინდვრის ხედვა, სისხარტე, პასის კულტურა, შესანიშნავი ტექნიკა... ის საუკეთესო გახდა ორიწლით უფროს და ორი თავით მაღალ ბიჭებს შორის.

იგორ ტიტოვი, ვინც მაშინ გუნდის ახალგაზრდულ სექტორზე იყო პასუხისმგებელი, განაცხადა, რომ მაშინვე მიაქცია ყურადღება ქართველს, რომელიც მას ყოველდღე რაღაცით აკვირვებდა.

2009 წლიდან საბოლოოდ მოგვარდა სავიზო პრობლემები და ჯანოს უკვე თავისუფლად შეეძლო, თავისი ოსტატობა "სპარტაკის" ქომაგებისათვისაც ეჩვენებინა. იმ დროს "სახალხო გუნდის" დუბლშემადგენლობა საუკეთესო იყო რუსეთში, მაგრამ ჯანო ამ ფონზეც კი გამორჩეული გახლდათ, ნამდვილი ალმასი...

ანანიძის შესრულებით ხშირად ვხედავდით შედევრებს. "ხიმკისთან" შეხვედრაში მან ბურთი მოიპოვა, გზად ხუთი მოწინააღმდეგე მოატყუა მეკარის ჩათვლით და ისე გაიტანა. ვალერი კეჩინოვს ეს გოლი თავისი თვალით რომ ენახა, ალბათ აპლოდისმენტებს არ დაიშურებდა.

მერე იყო "კრილიასთან" შეხვედრა. სამარელთა მეკარემ კარი წამით დატოვა და ქართველმა მას "შევჩენკოს წერტილიდან" გადაუგდო თავზე ბურთი. ვიცი ბევრი ქომაგი, რომლებსაც არ ენახათ ანანიძე და წარმოიდგენდნენ გადაზრდილ, დიდი გაბარიტების ფორვარდს, რომელიც გოლებს ფიზიკური ძალის ხარჯზე აგდებდა. მერე ისინი მიდიოდნენ იგორ ნეტოს სახელობის სტადიონზე და გაოცებისაგან ღია რჩებოდათ პირი. უკვირდათ, რომ ჯანო მხოლოდ 16 წლის იყო. ამ ასაკში ის აჩვენებდა გაცილებით უკეტეს ფეხბურთს, ვიდრე მისი 18 – 19 წლის პარტნიორები.

როგორ ადარებდა ჯანოს ჩერენკოვი მსახიობს

2010 წელი. ფიოდორ ჩერენკოვი (მარცხნივ) და ჯანო ანანიძე

ჯანოს თამაში არ გამორჩენია მხედველობიდან "სპარტაკის" სამწვრთნელო შტაბს ვალერი კარპინის მეთაურობით. უკვე 2009 წელს ის ძირითად გუნდს შეაჩვიეს. პირველი შეხვედრა ანანიძემ ჩაატარა 15 ივლისს, "კრასნოდარის" წინააღმდეგ. მან 90 - ე წუთზე სპარტაკელთა მეორე გოლი შეაგდო.

ეს კიდევ ერთი შედევრი იყო. ორი მოტყუებული მცველი და მეკარე, კარში ლამაზად ჩაჭრილი ბურთი... მხოლოდ ეს ეპიზოდი იყო საკმარისი იმისათვის, რომ დებიუტანტის ტალანტში ყველა დარწმუნებულიყო.



აგვისტოში ჯანოს უკვე ჩემპიონატში ჰქონდა დებიუტი. "ყუბანთან" მატჩში მან ალექსი შეცვალა. მერე იყო ოქტომბრის დერბი "ლოკომოტივთან". ჯანომ ყველა დაადუმა. ჯრ პატარა გენიოსმა თავურით გაიტანა, მერე კი საგოლე გადაცემა გაუკეთა ველიტონს მინდვრის სიღრმიდან. ჯანო ამ დროს 17 წლის და 8 დღის იყო. ეს გახდა ყველაზე ახალგაზრდა ფეხბურთელი, ვინც რუსეთის ჩემპიონატში გაიტანა. ეს რეკორდი დრესაც ცოცხალია.

ქართველ ფეხბურთელს ძალიან ხშირად ადარებენ ფიოდორ ჩერენკოვს. "მე აღტაცებული ვიყავი მისი თამაშით. მისი გოლებითა და ტექნიკით. უდიდესი სიამოვნება მომანიჭა იმან, თუ როგორ დაიჭირა მან მოძრაობაზე "ლოკომოტივის" მეკარე. მე მას შევადარებდი მსახიობს." - აღნიშნა ჩერენკოვმა.

"ნეტავ, ხუთი წლით გამახედა წინ და გამაგებინა, როგორ გაიზრდება ეს ბიჭი." - ამბობდა ტიტოვი მაშინ.



ანანიძე თვით არსენ ვენგერს აინტერესებდა

2009 წლის სექტემბერში ჯანოს დებიუტი ჰქონდა საქართველოს ეროვნულ ნაკრებში. დადიოდა ხმები, რომ მას რუსეთის მოქალაქეობას სთავაზობდნენ. ფედერაციამ ჯერ კიდევ 16 წლის ასაკში მიიწვია ჯანო ნაკრებში და მან თვით იტალიის ნაკრების წინააღმდეგ ითამაშა.სიჩქარის აუცილებლობა ალბათ არ იყო. ყველა ინტერვიუში ჯანო აჩვენებდა თავის პარტიოტიზმს და ამბობდა, რომ თამაშს მხოლოდ საქართველოს სახელით აპირებდა.

იმ წლის ბოლოს უკვე გაისმა ხმები იმის თაობაზე, რომ ფეხბურთელის გადაბირებით დაინტერესდნენ "არსენალი", "მილანი", "იუვენტუსი", "სევილია" და "ატლეტიკო", მაგრამ "სპარტაკის" ხელმძღვანელობა ტალანტთან შელევას არავითარ შემთხვევაში არ აპირებდა.

2010 წელი ჯანომ "სპარტაკის" ძირითად ფეხბურთელად დაიწყო, მაგრამ პროგრესის გაგრძელება ვერ შეძლო. არადა, სტატისტიკა ცუდი არ იყო. მან ჩაატარა 23 მატჩი (12 ძირითადში). მომდევნო სეზონების განმავლობაში კი უკვე მას აღარ ჰქონდა სათამაშო პრაქტიკა.

ბოჟოვიჩიდან კარერამდე

2013 წელი. მიოდრაგ ბოჟოვიჩთან

საუკეთესო სეზონი ანანიძეს ჰქონდა 2013 წელს,"როსტოვში", მაშინ გუნდს მიოდრაგ ბოჟოვიჩი ხელმძღვანელობდა, მისი საუკეთესო პარტიორი კი არტიომ ძიუბა გახლდათ. 22 შეხვედრაში ქართველმა 3 გოლი გაიტანა და 7 საგოლე გადაცემა შეასრულა. მან მოიგო რუსეთის თასი, რომელიც ფეხბურთელის კარიერასი პირველი ტიტული აღმოჩნდა. მეორე ტიტულის ცდა ჯანოს 2017 წლამდე მოუწია.

2016 – 17 წლების სეზონში დმიტრი ალენიჩევი ფეხბურთელს ენდო. "მწვრთნელის ნდობა ფრთებს მასხამს" - ამბობდა მაშინ ანანიძე. 2017 წლის შემოდგომაზე ჩანდა, რომ ჯანო საბოლოოდ მომაგრდა. მან გაუტანა კვიპროსულ აეკს და ორი შესანიშნავი გოლი შეაგდო ტულის "არსენალის" კარში.

მალე წავიდა ალენიჩევი და მოვიდა კარერა. ქართველმა იტალიელის ხელმძღვანელობითაც განაგრძო კარგი თააში. გოლებით დაამახსოვრა თავი "ანჟის" და "ორენბურგს".

და ამ დროს ფეხბურთელმა შეწყვიტა საგოლე გადაცემების გაკეტება, გოლების გატანა. ერთი წლის თავზე მდგომარეობა კიდევ უფრო დამძიმდა. ჩანდა, რომ ჯანო არ იყო პირველი კაცი კარერას ტაქტიკურ სქემებში.

რა იქნება ტრავმის შემდეგ?

რამდენიმე წლის წინ ჯანო ანანიძე შემდეგს ამბობდა: "სერიოზული ტრავმა მხოლოდ ერთხელ მქონდა. შვიდი თვე გამიცდა მის გამო. მენისკის პოერაციის შემდეგ 20 დღეში უკვე ვარჯშს ვიწყებდი.

ძალიან ბოროტი ხუმრობაა - ორი სამი მილიმეტრით დაშორდება ერთმანეთს მყესები და 2 – 3 კვირის განმავლობაში უნდა დაისვენო. უფრო სერიოზული ტრავმებისაგან ღმერთმა დამიფარა." - ამბობდა ანანიძე რამდენიმე წლის წინ.

კუნთების ტრავმები ჯანოსათვის მართლაც მთავარ შემაფერხებელ გარემოებად იქცა კარიერაში. მართლაც, ძალიან ძნელია იპოვო რიტმი, როცა სეზონის განმავლობაში 2-3-ჯერ გიწევს იძულებით უქმობა.

მეორე მიზეზი კი ისაა, რომ ფეხბურთელის ფიზიკური მომზადება უკეთესის სურვილს ტოვებდა. აქ სიმძლავრეში არაა საქმე. ლუკა მოდრიჩი ჯანოს აღნაგობისაა, მაგრამყველა ვხედავთ, რას სჩადის მინდორზე. ანანიძეს გაუჭირდა გადაწყობა დიდ ფეხბურთზე.

"იყო დრო, როცა ყოველდღე დავდიოდი სატრენაჟორო დარბაზში და სიმძიმეებს ვწევდი. მერე შევატყვე, რომ მინდორზე თავს უფრო და უფრო ცუდად ვგრძნობდი. ახლა სატრენაჟორო დარბაზში მხოლოდ ტონუსის შენარჩუნების მიზნით დავდივარ. მიმაჩნია, რომ ორმეტრიან გიგანტთან ფიზიკურ ორთაბრძოლაში შანსი მაინც ნაკლები მაქვს." - ეს ანანიძის სიტყვებია.

"არ მესმის, რატომ არ თამაშობს ჯანო "სპარტაკში". ის შესანიშნავი ფეხბურთელია. მეორეს მხრივ, მას აქვს პრობლემა ფიზიკურ მომზადებაში." - ამბობს საქართველოს ნაკრების დამრიგებელი, ვლადიმირ ვაისი, თავადვე პასუხობს მის მიერ დასმულ კითხვას.

სწორედ საქართველოს ნაკრების შემადგენლობაში მიიღო ჯანომ კარერაში ყველაზე მძიმე ტრავმა. მისი გამოჯანმრთელების პროცესი უკვე უაზხლოვდება დასასრულს. გვინდა გვჯეროდეს, რომ ის არ დაკარგავს მის საუკეთესო თვისებებს. პირიქით, ახალს შეიძენს.თუ ის გახდება ისეთივე მაგარი, როგორიც იყო 2009 წელს, მაშინ ჩვენ დავიჯერებთ, რომ სასწაულები ფეხბურთშიც ხდება.

3693
მკითხველის კომენტარები / 0 /
მსგავსი ამბები
რუბრიკის სხვა სიახლეები