ძალიან მოვიწყენ, ძმაო! ჯანო სამედოვს ემოციურად დაემშვიდობა

ჯანო ანანიძემ "ინსტაგრამზე" ემოციური პოსტი გამოაქვეყნა, რომელშიც "სპარტაკიდან" წასულ ვეტერან ალექსანდრ სამედოვს დაემშვიდობა.

"მადლობა ყველაფრისთვის, ლეგენდავ! ძალიან სასიამოვნო იყო ეს 2 წელიწადი შენთან ერთად. ძალიან მოვიწყენ, ძმაო", - წერს ჯანო 34 წლის სამედოვს, რომელმაც "სპარტაკთან" კონტრაქტი ვადაზე ადრე გაწყვიტა. ანანიძე და სამედოვი სწორედ იმ ოთხეულიდან (ეველინ პოპოვსა და სალვატორე ბოკეტისთან ერთად) არიან, რომელთანაც "სახალხო კლუბმა" განშორება გადაწყვიტა.

სამედოვი "სპარტაკში" 2002-05 წლებშიც თამაშობდა, მეორე ვადით კი - 2017 წლიდან. ამ პერიოდში მან 109 მატჩში 15 გოლის გატანა მოახერხა.

რაც შეეხება ჯანოს, მოგეხსენებათ, ის მალე "ვიტესში" უნდა გადავიდეს. ალბათ, ეს მაშინ (12 იანვარს) მოხდება, როცა ჰოლანდიური კლუბი პორტუგალიიდან დაბრუნდება, სადაც ჩემპიონატის მეორე ნახევრისთვის ემზადება.

1273
მკითხველის კომენტარები / 0 /
მსგავსი ამბები
რუბრიკის სხვა სიახლეები
;