ჯენარო გატუზო: ჩემი მისიაა ვიყო კოშმარი ფეხბურთელთათვის

"მილანის" მწვრთნელმა. ჯენარო გატუზომ, ამ პოსტზე მისი პირველი სეზონისა და ფეხბურთელებთან ერთად მუშაობის შესახებ ისაუბრა.

"მსურს, რომ ფეხბურთელები გულშემატკივრებს უახლოვდებოდნენ და ესალმებოდნენ. კარგია, როდესაც ამას ისინი მწვრთნელის გარეშე აკეთებენ.

ბიჭები ძალიან კარგად თამაშობენ და მათი მწვრთნელობა ადვილია, თუმცა, ხვალ ახალი დღე დადგება და ყველაფერს თავიდან დავიწყებთ. ჩემი სამუშაოა, ვიყო კოშმარი ფეხბურთელთათვის სეზონის ბოლომდე.

როდესაც "მილანი" ჩავიბარე, არაფერს არ ველოდი. უბრალოდ ვიცოდი, რომ ხელში ცხელი კარტოფილი დამაჭერინეს. მიყვარს შრომა და წვალება, არ მიყვარს ისეთი რაღაცები, რისი მიღწევაც ადვილი გზითაა შესაძლებელი. ამიტომაც ავირჩიე "მილანი", რომელიც ჩემი სახლია. "როსონერის" მაისური 14 წლის მანძილზე ვატარე და იგი ჩემი ნაწილია. აქ მუშაობა შესანიშნავია, ვნახოთ, როგორ დასრულდება ყველაფერი," - ამბობს ჯენარო.

გატუზომ "მილანი" გასული წლის 27 ნოემბერს ჩაიბარა. მან ვინჩენცო მონტელა ჩაანაცვლა.

41 ქულით "მილანი" იტალიის ჩემპიონატის მე-7 ადგილზეა და ჩემპიონთა ლიგის ზონაში მყოფ "ინტერს" 9 ქულით ჩამორჩება.

1369
მკითხველის კომენტარები / 0 /
მსგავსი ამბები
რუბრიკის სხვა სიახლეები
;