ჯერ ლიგა 2, მერე რიგშია ლიგა 3, რეგიონალლიგა და თასი...

ეროვნული ლიგის განახლების შემდეგ, საქართველოს ფეხბურთის ფედერაციის გადაწყვეტილებით, 13 ივლისიდან ეროვნული ლიგა 2-ის სეზონიც III ტურიდან გაგრძელდება. პირველ შეხვედრაში ერთმანეთს ლიდერი ქობულეთის "შუქურა" და ზუგდიდის "დინამო" დაუპირისპირდებიან. მატჩის პირდაპირ რეპორტაჟს გულშემატკივარი 18 საათიდან "სილქ უნივერსალის" ეთერში იხილავს.

ეროვნულ ლიგა 2-თან ერთად ასევე იგეგმება ლიგა 3-ის განახლებაც და არა მარტო. ​ამასთან დაკავშირებით, კომენტარი საქართველოს ფეხბურთის ფედერაციის გენერალურმა მდივანმა დავით მუჯირმა გააკეთა:

"კლუბებთან კომუნიკაციის შემდეგ მივიღეთ გადაწყვეტილება, ეროვნული ლიგა 2-ის გათამაშება 13 ივლისიდან განახლდეს. რაც შეეხება დანარჩენ ლიგებს, 27 ივლისიდან განახლდება ლიგა 3, ხოლო აგვისტოს შუა რიცხვებიდან იგეგმება ლიგა 4-ის, რეგიონული ლიგისა და დავით ყიფიანის სახელობის საქართველოს თასის გათამაშების დაწყებაც. ფუტსალისა და ქალთა ლიგებზე კი კომუნიკაცია გვაქვს შესაბამის ასოციაციასა და ფედერაციასთან.

ჩვენი მიზანია, 2020 წელს დაგეგმილი ყველა პროექტი განვაახლოთ როგორც პროფესიული, ისე მასობრივი ფეხბურთის მიმართულებით. ​რა თქმა უნდა, ყველა ლიგაში მოხდება ფორმატის ცვლილება. ეროვნული ლიგა 2 და ლიგა 3 ოთხი წრის ნაცვლად ორ წრედ გაიმართება, ლიგა 4-ში კი განახლებული ფორმატი გვექნება. ამ ყველაფრის შესახებ, რა თქმა უნდა, კლუბები ინფორმირებული იქნებიან. ასევე, რეგიონულ ფედერაციებს მიეწოდებათ დეტალური ინფორმაცია იმის შესახებ თუ რა ფორმატით განახლდება რეგიონული ლიგა".

607
მკითხველის კომენტარები / 0 /
მსგავსი ამბები
რუბრიკის სხვა სიახლეები
;